Ia Omw Madamadau ong Ahnsou Kohkohdo?

DAHME PAIPEL MAHSANIH

“Koht . . . pahn kin ketin limwihasang pilen masarail koaros. Mehla solahr pahn wiawi, solahr mwahiei, solahr nsensuwed, solahr medek. Soahng mering kan sohralahr.”​—Kaudiahl 21:⁠3, 4, Pwuhk Sarawi ni Mahsen en Pohnpei.

DAHME MET KAK WIAHIONG UHK

Doadoahk me katapan oh kansenamwahu.​—Aiseia 65:21-23.

Soangsoangen soumwahu de lokolok pahn sohrala.​—Aiseia 25:8; 33:24.

Mour kaperen oh soh imwi rehn peneinei oh kompoakepah kan.​—Melkahka 37:11, 29.

KITAIL KAK UHDAHN KAMEHLELE DAHME PAIPEL MAHSANIH?

Ei, pwehki kahrepe riau pwukat:

• Koht ketin kak kapwaiada sapwellime inou. Nan Paipel, Siohwa Koht kelehpw mwarenki “Wasa Lapalahpie,” pwehki sohte irepen sapwellime manaman. (Kaudiahl 15:⁠3) Kahrehda e uhdahn ketin kak kapwaiada sapwellime inou en kamwahwihala sampah. Nin duwen Paipel mahsanih, “rehn Koht mehkoaros kak pweida.”​—Madiu 19:⁠26.

• Koht ketin kupwurki kapwaiada sapwellime inou. Karasepe, Siohwa ketin kupwurki kasapahldo mour ong aramas melahr akan.​—Sohp 14:14, 15.

  Paipel pil kasalehda me sapwellimen Koht Ohl, Sises, kin ketin kamwahwihala me soumwahu kan. Dahme kahrehda e ketin wia met? Pwehki e kupwurki. (Mark 1:40, 41) Duwehte Semeo, Sises kin ketin kupwurki sewese irail me anahne sawas.​—Sohn 14:⁠9.

  Kahrehda kitail kak kamehlele me Siohwa oh Sises kin ketin kupwurki sewese kitail en ahneki mour peren ni ahnsou kohkohdo!​—Melkahka 72:12-14; 145:16; 2 Piter 3:9.