MEHN ONOP 11

Ngoang

Rom 12:11

DAHME KE PAHN WIA: Kamwakid sounrongorong kan sang ni omw koasoi ni ngoang.

Mweidohng audepen omw padahko en sair pein omw mohngiong. Ni omw kaunopada omw padahk, medewe mwahu duwen kesempwalpen audepen padahko. Esehla mwahu audepeo pwe ken kak koasoi sang nan mohngiong.
Medewe duwen sounrongorong kan. Doudouloale ia duwen ire ko me ke pahn wadek de padahngki ar pahn wia kamwahu ong meteikan. Medewehla ahl akan me ke pahn kasalehda ire ko pwe sounrongorong kan en kak kilang ni sansal ia duwen arail pahn paiekihda.
Kasalehda ire kan ni ahl ehu me pahn kaperen en rong. Koasoi ni ngoang. Kasalehda pepehm kan sang ni mwekid en pehmw kan oh pohn mesomwen.

Kanahieng pwe ke dehr kerempwa sounrongorong kan ni omw doadoahngki pehmw kan oh kapwukapwurehiong soangen mwekid ehute. Omw kamwakid pehmw kan en pwungiong omw koasoi. Kasalehda ngoang ni ahnsou me ke padahngki ire kesempwal kan oh kamwakid sounrongorong kan ren kapwaiada. Dehr kahrehiong sounrongorong kan en pwangada ni omw kasalehda ngoang laud erein omw padahk pwon.