Nantihong Sair Mohngiong

Lepin Padahk 3:1

DAHME KE PAHN WIA: Sewese sounrongorong kan ren wehwehki kesempwalpen dahme re sukuhlki oh kapwaiada.

IA DUWEN OMW PAHN WIA MET:

• Sewese sounrongorong kan ren kasawih pein irail. Idek peidek kan me re sohte anahne sapeng ahpw pwehn sewese sounrongorong kan ren kasawih pein arail pepehm.

• Kamwakid arail ineng en wiahda me mwahu. Kangoange sounrongorong kan ren tehk ia kahrepen re wia doadoahk mwahu kan. Sewese irail en men wia soahng kan pwehki kahrepe keieu mwahu kan, me iei ar limpoak ong Siohwa, aramas akan, oh padahk en Paipel kan. Sewese sounrongorong kan ren kilang erpit en dahme Paipel mahsanih; dehr panawih irail. Dehr kanamenekih irail, ahpw kahrehiong irail en pehm me re ale kangoang ni omw padahko eh imwisekla, pwe ren mwekidki wia uwen arail kak koaros.

• Kauwalahng arail madamadau ong Siohwa. Kasansalehda ia duwen padahk en Paipel kan, ire mehlel kan, oh kehkehlik kan ar kasalehda sapwellimen Koht irair kan oh sapwellime limpoak ong kitail. Sewese sounrongorong kan ren kakairada ineng en medewe sapwellimen Siohwa pepehm kan oh ineng en men kaperenda ih.