MEHN ONOP 15

Kasalehda Omw Kamehlele Dahme Ke Koasoia

1 Deselonika 1:5

DAHME KE PAHN WIA: Kasalehda me ke uhdahn kamehlele me dahme ke koasoakoasoia me mehlel oh kesempwal.

Kaunopada mwahu. Onop lao ke wehwehkihla ia ire kesempwal kan oh ia duwen Paipel eh kadehdehda me ire kesempwal pwukat mehlel. Song kasalehda ire kesempwal kan nan omw padahko ni omw doadoahngki ekeite lepin lokaia mengei kan. Tehk ia duwen eh pahn sewese sounrongorong kan. Kapakapki sapwellimen Koht manaman.

Praktiski omw padahko ni ngihl laud pwe ken uhdahn esehla audepen padahko oh kamwahwihala omw pahn wia padahko.
Doadoahngki lepin lokaia kan me kasalehda omw kamehlele. Dehr doadoahngkihte lepin lokaia kan sang nan pwuhko, ahpw doadoahngki pein omw lokaia. Pilada lokaia me kasalehda me ke uhdahn kamehlele dahme ke koasoakoasoia.
Kasalehda omw ngoangki oh me ke koasoakoasoi sang nan mohngiong. Koasoi ni uwen ngihl laud me konehng. Ma sounrongorong kan sohte pahn suwedki, kin kilang nan meserail kan.

Dehr medewe me omw kasalehda me ke kamehlele dahme ke koasoia wehwehki omw pahn kin sohte kamantik, kasalehda me pein omw madamadau me pwung, de idingki. Pil ni omw pahn koasoakoasoi ni ngoang, song kamwakid sounrongorong kan ni elen limpoak.