Poadidi

Dahme Sises Ketin Wia

KISIN KASDO: Jesus Teaches Nicodemus

1. Kilang KISIN KASDO, de wadek Sohn 3:​1, 2. Mwuri koasoiapene peidek pwukat:

1. Ele ia kahrepen Nikodihmus men tuhwong Sises nipwong?—Kilang Sohn 12:​42, 43.

2. Ia duwen Sises eh ketin kasalehda me e kin ketin poadidiong katohnpadahk?

Dahme Kitail Sukuhlkihsang Sises?

2. Kitail kin kasalehda me kitail poakohng aramas sang ni atail kin poadidiong sewese ren wiahla tohnpadahk kei.

Kahlemengih Sises

3. Wia onopo ni ahnsou oh wasa me mwahu ong tohnsukuhl en Paipelo. Mwein mie rahn oh kuloak ieu me mwahu ong ih nan wihko. Ia wasa me pahn keieu soanamwahu ong ih en onop—ni eh wasahn doadoahk, nan imwe de wasa ehu me wehipokon kak doadoahngki? Ma kak, wekidala omw koasoandi pwehn pwungiong wasa oh kuloak me mwahu ong ih.

4. Kaukaule onop. Ma ke sohte pahn kak kohla mwo ni ahnsowo, dehr ndahng me kumwa sohte pahn onop. Ahpw medewe ma:

1. Kumwa kak onop ehu rahn tohrohr nan wihko?

2. Kumwa kak onop nan delepwohn de videoconference?

3. Ke kak pekihda emen sounkalohk tohrohr en wilian uhk wia onopo?

5. Kapakapki madamadau pwung. Peki rehn Siohwa en ketin seweseiuk ken poadidiong sewese noumw tohnsukuhl en Paipelo, mendahki ma e kin apwalki kaukaule onop de kapwaiada kaweid kan nan Paipel. (Pil. 2:13) Tohnsukuhlo ele uhdahn pahn ahneki irair mwahu tohto; kapakapki ken tehk eh irair mwahu pwukat.