Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • w98 2/1 p. 31
  • E Diarada Ehu “Takai Kesempwal”

Sohte kasdo ong met

Kupwurmahk, mehkot sapwung en kihda kasdo

  • E Diarada Ehu “Takai Kesempwal”
  • Kahn Iroir Pakpakairki Wehin Siohwa—1998
  • Ire kan me Duwehte Met
  • Ke Anahne Kang Pwuh?
    Kahn Iroir Pakpakairki Wehin Siohwa—2012
  • E “Diarada Takai Kesempwal Ieu”
    Kahn Iroir Pakpakairki Wehin Siohwa—2005
  • Rapahki “Takai Kesempwalo” Rahnwet
    Kahn Iroir Pakpakairki Wehin Siohwa—2005
  • Dahme Kahrehda Kitail en Wehwehkihla Paipel?
    Kahn Iroir Pakpakairki Wehin Siohwa—2015
Kilang Pil Ekei
Kahn Iroir Pakpakairki Wehin Siohwa—1998
w98 2/1 p. 31

Ripoht En Sounkalohk Kan En Wehio

E Diarada Ehu “Takai Kesempwal”

“WEHIN Koht rasehng sounnet emen me raparapahkiseli takai kesempwal. E lao diarada me ieu me keieu kesempwahlie, e ahpw kohla netikihla eh dipwisou kan koaros, pwe en pwainda takai kesempwalo.” Mahsen en Sises wet kin kasansalehda ia uwen kesempwal, Wehin Koht. (Madiu 13:45, 46) Irail kan me pohnese duwen kesempwalpen Wehio kin tohnmeteiki pein ahr ahnsou oh mwohni kan pwehn kak ahnekihla Wehio. Ekspiriens me wiawi nan Pingtung County, Taiwan pahn kasalehda duwen met.

Nan 1991, Mr. oh Mrs. Lin tepida onop Paipel rehn Sounkadehdehn Siohwa kan. Ni ahnsou me emen kaun en pelien lamalam en wasao rongada duwen met, e nantiong song en padahkiong ira en iangala eh pelien lamalam. Pwehki pwopwoud wet ahneki pisnes en netiki ntahn pwihk oh ntahn tehk ni market nan ara wasa, ira idek rehn kaun en lamalam menet duwen eh madamadau ma ara pisnes pwung de soh. E sapengki ira, “Soahng koaros me Koht kapikada, kitail kak kang.” Ahpw ni pali teio, Sounkadehde kan en Siohwa kin kangoangekin ira en medemedewe dahme sapwellimen Koht Mahsen mahsanihki duwen irewet. Ira sukuhlikier me Siohwa Koht kin kesempwaliki nta, pwe “mour en mehkoaros me momour kin mihmi nan nta.” (Lipai 17:10, 11, The New English Bible) Kristian mehlel akan anahne “liksang . . . nta.” (Wiewia 15:20) Mwurin pwopwoudo kasawihada iren Paipel wet me pid oaralap wet, ira wiahda ara pilipil en sohla netiki nta, edetehn met iei ara doadoahk en mwohni. Ahpw ni ahnsou mwotomwot mwuri, ira pil lelong ehu kasongosong laudsang met.

Mwohn pwopwoudo sukuhliki padahk mehlel, ira padokedi tuhke pwuh 1,300 nan sahpwara. Mendahki e pahn reireiki sounpahr limau pwe tuhke kan koaros en kak tepida wah mwahu, pwopwoudo kaskasik en alehkihsang met tala $77,000 ehu ehu sounpahr. Ni ahnsou me keieun rahk kerendo, pwopwoudo anahne wiahda ara pilipil kesempwal. Ira sukuhliki sang ara onop Paipel me Kristian kan anahne kamwakeleirailsang “mehkoaros me kin kasaminehla paliwar oh pali ngehn” ni ahr pahn liksang doadoahngki oh netkihla wiewia samin kan duwehte tipaker oh wini suwed oh kang pwuh. (2 Korint 7:1) Dahme re pahn wia?

Pwehki eh nsen mwakelekel kin koarompwa ih, Mr. Lin koasoanehdi en uhdi sang eh onop Paipel. Ni ahnsowo, Mrs. Lin netikihla ara pwuh kan sang ara tuhke mah kan oh ira wihnkihda tala $3,000. Ma ira pousehla ara pisnes, ira pahn kepwepwehla. Ahpw nsen mwakelekel en Mr. Lin kin koarompwa ih.

E nsensuwedki irewet lao ehu rahn e peki rehn Sounkadehde kan en peledi eh tuhke kan ong ih. Ahpw Sounkadehde pwukat kawehwehda, me met pein ih me pahn pilada; ihme konehng ‘pein ih en wa eh wisik’ oh peledi eh tuhke kan. (Kalesia 6:​4, 5) Irail kangoange ih en tamanda inou me pwarada nan pwuhken 1 Korint 10:13, me mahsanih: “Pwe songosong koaros me kin lelohng kumwail, ih me kin lelohng kumwail. Koht me uhdahn mehlel, oh e sohte pahn ketin mweidohng kumwail en ale songosong me kumwail sohte kak powehdi; ahpw ahnsoun songosong, e pahn ketikihong kumwail kehlail pwe kumwail en kak dadaur oh pitsang nan songosongo.” Sounkadehde kan pil kin sewese ohlo en wehwehki: “Ma kiht me peledi ahmw tuhke kan, mwein ke kak kohluhkihla met ehu rahn oh kapwukoahkin kiht.” Ahnsoukis mwuri, Mrs. Lin pirkihda ngihlen rasaras. Ei, eh pwoudo oh neira seri kan pelepelehdi tuhkehn pwuh kan!

Mr. Lin diarada me Siohwa kin mehlel oh kin kapwaiada sapwellime inou kan. E diarada doadoahk ehu, oh met imwikihla eh ahneki nsen mwakelekel, oh met e kakehr wiahla emen me kin kapinga Siohwa. E pepdaisla nan kapokon en circuit en Sounkadehdehn Siohwa kan nan April 1996.

Ei, Mr. Lin “netikihla soahng koaros me e naineki” oh pwainda “takai me inenen kesempwal.” Ni ahnsouwet e ahneki pwais kaselel ehu en ahneki nanpwung mwahu rehn Siohwa Koht oh papah sapwellime kupwur kan me pid Wehio.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share