Dahme Kahrehda Ken Kasawih Omw Pelien Lamalam?

Ia duwen ma ke ahneki soumwahu keper ehu oh ke anahne pwal? Ke pahn uhdahn men likih toahkteo me pahn wia pwalo pwehki ih me pahn komouruhkala. Ia duwe, e sou kesempwal ken kasawih mwahu duwen koahiek en toahkte menet?

Pil duwehte, e wia elen loalokong en kasawih mwahu omw pelien lamalam. Ma ke iang pwihn en pelien lamalam ehu, ke kakete likih me e pahn komouruhkala oh seweseiuk ken ahneki koapworopwor en mour soutuk.

Sises ketikihda kaweid pwehn sewese kitail en kasawih ma atail pelien lamalam kin mehlel. E mahsanih: “Kitail kin esehki tuhke koaros wahrail kan.” (Luk 6:44) Karasepe, ni omw kin kasawih pelien lamalam ehu, soangen wa dah me e kin kapwarehda? Kaun kan en pelien lamalamo kin nohn kesempwalki mwohni? Towe kan en pelien lamalamo kin idawehn kaweid kan en Paipel me pid mahwen oh mehnia tiahk me pwung de sapwung? Mie pelien lamalam ehu me ke kak likih? Se luke iuk ken kasawih oaralap kan mwurin met.