Dahme Kahrehda Ken Nsenohki Esehla Paipel?

Paipelo iei pwuhk me keieu wadawad nan sampah pwon. Dahme kahrehda? Ehu kahrepe iei pwehki e kin koasoia duwen mour me pali laud en aramas kak wehwehki. E kin koasoia duwen aramas akan oh arail wiewia kan rehn emenemen oh rehn Koht. Poadopoad pwukat padahkihong kitail mehn kasukuhl mwahu kan. E doadoahngki lokaia mengei me kak kawehwehdi ong ni lokaia tohto oh me aramas sang wasa sohte lipilipil de ahnsou sohte lipilipil kak wehwehki. Oh kaweid kan en Paipel kin ahnsou koaros kadoadoahk.

Keieu kesempwal iei me Paipel kaidehn pwuhk ehu me koasoiahte duwen Koht ahpw e pil kohsang rehn Koht. E kasalehda mwaren Koht, soangen Koht dah men ih, oh duwen kupwureo me sohte kin wekila ong kahrepen eh ketin kapikada sampah oh aramas. Paipel pil koasoia duwen me mwahu eh pelian me suwed erein ahnsou reirei, duwehte kasdo kaselel ehu me kin imwila mwahu. Wadewadek Paipel ni madamadau pwung oh pahrek kin sewese atail pwoson oh koapworopwor.

Nan Paipel kitail kin diarada ire kan me kitail sohte kak diar ehu wasa tohrohr. Karasepe, Paipel padahkihong kitail dahme mehlel duwen soangen oaralap me duwehte:

• Ia wasa kitail kohsang oh dahme kahrehda mie lokolok

• Dahme Koht ketin wia pwehn kamaiauda aramas

• Dahme Sises ketin wiahda ong kitail

• Dahme pahn wiawi ahnsou kohkohdo ong sampah oh aramas

Menlau wadek oaralap kan mwuhr oh tehk dahme Paipel mahsanih.