PEIDEK KAN EN PAIPEL PASAPENGLA

Ia duwe, sampah ehu me sohte mie kahpwal en semwehmwe kak wiawi?

Sounpar koaros ahn aramas inenen semwehmwe kin kahrehda aramas rar rar kei ar kin mehkihla soh itar en mwenge mwahu oh soumwahu kan. Mendahki ekei wasa nan sampah kin kepwehpwe, aramas tohto kin mi nan mour me uhdahn semwehmwe. Paipel kasalehda me semwehmwe kin wia kahpwal ehu rehn aramas sangete mahs.​—Wadek Sohn 12:8.

Kitail pahn anahne ehu koperment me pahn kak kaunda sampah pwon pwehn katokehdi kahpwal en semwehmwe. Soangen koperment wet pahn anahne ahneki manaman en nehkpeseng ni pahrek pai kan en sampah oh katokehdi mahwen kan, me iei me kin keieu kahrehda kahpwal en semwehmwe. Koht ketin inoukidahr soangen koperment wet.​—Wadek Daniel 2:44.

Ihs me pahn kak ketikihsang kahpwal en semwehmwe?

Koht ketin idihada sapwellime ohl, Sises, en kaunda tohnsampah. (Melkahka 2:4-8) Sises pahn ketin doarehla me semwehmwe kan sang limeidihd oh sapahrek, oh tiahk lemei.​—Wadek Melkahka 72:8, 12-14.

Nin duwen “Nanmwarkien Popohl” me kokohpdahr, Sises pahn ketikihdo popohl oh meleilei nin sampah pwon. Eri koaros nin sampah pahn kousoan nan pein imwarail kan, perenki doadoahk kansenamwahu, oh kanarail mwenge pahn tohto.​—Wadek Aiseia 9:6, 7; 65:21-23.