Dahme Paipel Mahsanih?

Mie mwaren Koht?

EKEI ARAMAS KIN KOASOIA me sohte mware, ekei kin nda me iei Koht de Kauno, oh pil ekei kin nda me mie mware tohto. Ia omw madamadau?

DAHME PAIPEL MAHSANIH

“Re en esehla me komwihte me KAUN-O,a kaun lapalap en mehkoaros nin sampah.”​—Melkahka 83:18.

DAHME KITAIL PIL SUKUHLKIHSANG PAIPEL?

• Mendahki Koht sapwellimanki lengileng tohto, mie mwar ehu me e ketikihong pein ih.​—Eksodus 3:15.

• E sohte kapwonopwon en wehwehki duwen Koht; e ketin kupwurki kitail en esehla ih.​—Wiewia 17:27.

• Ese duwen mwaren Koht kak wia keieun kahk ong ahneki nanpwungmwahu reh.​—Seims 4:8.

E sapwung en ndahla mwaren Koht?

DAHME KE PAHN NDA?

• Ei

• Soh

• Ma mie kahrepe

DAHME PAIPEL MAHSANIH:

“Kumwail sohte pahn kasaminehla mwarei.” (Eksodus 20:7) Ihte ahnsou me sapwung en doadoahngki mwaren Koht iei ma e kadoadoahk ni soh wahu.​—Seremaia 29:9.

DAHME KITAIL PIL SUKUHLKIHSANG PAIPEL?

• Sises mwahngih oh kin ketin doadoahngki mwaren Koht.​—Sohn 17:25, 26.

• Koht ketin luke kitail en likweriong mware.​—Rom 10:13.

• Sapwellimen Koht imwintihti kan kin song en kahrehiong aramas akan en manokehla mware.​—Seremaia 23:27.