Dahme Paipel Mahsanih?

Dahkot Wehin Koht?

EKEI ARAMAS KIN KAMEHLELE me e wehwehki sapwellimen Koht kaunda nan ahn aramas emen eh mohngiong; ekei kin medewe me iei ahn aramas doadoahk laud me pahn kahrehda sampah en popohl oh ehupene nin duwen pirien kan. Ia omw madamadau?

DAHME PAIPEL MAHSANIH

“Koht en nanleng pahn ketin kauwada mwehi ehu me sohte imwi. Mwehi wet sohte pahn kak lohdi, ahpw e pahn kauwehla mwehi teikan koaros.” (Daniel 2:44) Wehin Koht uhdahn koperment ehu.

DAHME KITAIL PIL SUKUHLKIHSANG PAIPEL

• Wehin Koht kin kaunda sang nanleng.—Madiu 10:7; Luk 10:9.

• Koht kin ketin doadoahngki Wehio pwehn kapwaiada kupwure nanleng oh sampah.​—Madiu 6:10.

Iahd me Wehin Koht pahn ketido?

DAHME KE PAHN NDA?

• Sohte me ese

• Kereniong

• Sohte pahn ketido

DAHME PAIPEL MAHSANIH

“Rongamwahu en Wehin Koht pahn lohkseli wasa koaros nin sampah, pwe kadehde en mie ong aramas koaros​—a mwuri, imwin sampah ahpw pahn kohdo.” (Madiu 24:14) Ahnsou me rongamwahwo pahn lohkseli wasa koaros, Wehio pahn ketido pwehn kaimwisekala koasoandi en sampah suwed en ahnsou wet.

DAHME KITAIL PIL SUKUHLKIHSANG PAIPEL

• Sohte emen nin sampah ese iahd me Wehin Koht pahn ketido.​—Madiu 24:36.

• Kokohp en Paipel kan kasalehda me Wehio pahn ketido ni ahnsou keren.​—Madiu 24:3, 7, 12.