Kohpwahn Peidek

◼ Dahme kitail kak wia pwehn keieu paiekihda mihding kan?

Ekei kin lemeleme me ma elder kan oh ministerial servant kan pahn wia uwen me re kak, eri mihding kan pahn pweida mwahu, pwe irail me kin wia padahk kan oh koasoanehdi koasoandi en mihding kan. Ahpw, ni mehlel, kitail koaros kak wia soahng kan me pahn kahrehda mihding kan pahn uhdahn pweida mwahu. Kitail kak sawas ni atail pahn kapwaiada ahl eisek pwukat:

Kaunopada Mwowe. Ni ahnsou me kitail kin kaunopada mwahu, kitail kin perenki mihding kan. Ma kitail koaros pahn kaunopada mwahu, kitail koaros pahn ale kangoang. Kaukaule iang towehda. Ma aramas tohto kin iang towehda mihding kan, met kin kangoange kitail koaros oh e kin kalaudehla atail kalahnganki mihding kan. Mwadang leldohng Kingdom Hall. Ma ke mihmi nan deuomw mwohn mihding tepida, ke kak iang koul oh kapakap oh paiekihda mihding pwon. Wahda pwuhk kan me ke anahne. Ni ahmw pahn wahdo noumw Pwuhk Sarawi oh pwuhk kan me ke anahne ong mihding kan, ke kak idawehn dahme re koasoia oh koledi mwahu ire kan. Dehr mweidong soahng kan en koarompwa ahmw rong kanaieng. Ma kitail mwondi mwowe, kitail kak rong kanaieng. Ma kitail kin koasoakoasoi ahnsoun mihding de kalap kohla imwen kainen, pein kitail oh mehteikan sohte kak rong kanaieng. Iang pasepeng. Ni atail pahn koh pehtail oh wia pasepeng kan, koaros kin ale kangoang sang atail kasalehda atail pwoson. Wia pasepeng mwotomwot. Ma kitail pahn wia pasepeng mwotomwot, e pahn kak mweidong mehteikan arail ahnsou en pasepeng. Kitail pahn pil wia pasepeng kan me kin pid dahme kitail onopki. Wia mwahu pwais kan me kohwong kitail. Ni atail wia tohnsukuhl en Theocratic Ministry School oh wia padahk kan de kamwomwada kan de interview kan nan Service Mihding, kitail en kaunopada mwahu, praktis mwowe oh nantiong en wiahda oh dehr nda me ke sohte kak wiahda atail padahk. Kapinga irail me kin wia pwais kan. Ndaiong brother oh sister kan uwen me ke kalahnganki arail nannanti en wia padahk de kamwomwada de interview. Met pahn kangoange irail oh kamwekid irail en nantiong kapwaiada arail pwais kan ni ahnsou kohkohdo. Kangoange emen emen. Rahnmwahu kadek kan oh koasoi kangoange kan mwohn oh mwurin mihding kan pahn kahrehda koaros en perenki iang towehda oh paiekihda laud mihding kan.