Kitail kin Ale Kasukuhl Sang Rehn Siohwa
1 Pahn kaweid sarawi, mie prokram en kasukuhl ehu nan sampah pwon me ahnsouwet kin wiawi nan sahpw 233. Sohte mehkot me sampah wet kak kihda me kak kaparekiong met. Atail Sounpadahk Lapalap, Siohwa, kin padapadahkihong kitail iaduwen kitail en en wia kamwahu ehu ong pein kitail ahnsouwet ni ah kin pil kasukuhlih kitail ong mour soutuk.—Aiseia 30:20; 48:17.
2 Sukuhl en Padahk Sarawi: Tehk duwen sukuhl kan me ahnsou pwukat kin wiawi ong kamwahupen sapwellimen Siohwa aramas akan. Theocratic Ministry Sukuhl, me kin wiawi pak ehu nan ehuehu wihk nan mwomwohdiso 87,000, kin kaianehda sounkalohk rar en Wehio pwe ren wiahla sounkalohk koahiek kei en rongamwahuwo. Komw iangehr sukuhl wet? Komw iang irail me kid kan me iang towehda Pioneer Service Sukuhl me kin wiawihki erein wihk riau? Ele malaulaulahn awahn kalohk me regular pioneer kan anahne wiahda pahn karehong me tohto en kak regular pioneer oh eri kahrehda ren kak pil iang towehda sukuhl wet. Ministerial Training Sukuhl me reireiki sounpwong riau, kin ahnsouwet wiawi ni lokaiahn sahpw laud koaros nan sampah, me kin kakoahiekihla elder kiripw oh ministerial servant kiripw kan en alehda pwukoah laud kan nan mwomwohdiso. Ekei pak, elder koaros oh ministerial servant koaros kin alehda kaweid tohrohr kan nan Kingdom Ministry Sukuhl.
3 Ihmw kan ni Watchtower Educational Center nan Patterson, New York, kin kadoadoahk ong sukuhl tohrohr siluh, me kin kihda kaiahn me pid Wehio. Watchtower Bible Sukuhl en Gilead me reireiki sounpwong limau kin kaunopada sounkalohk kan ong doadoahk en misineri nan sahpw teikan. Tohn Branch Committee kan sang nan sampah pwon kin towehda sukuhl en koasoandi en rahn ohpis me kin reireiki sounpwong riau. Nan May 1999 mie ehu sukuhl kapw me reireiki sounpwong riau me kin wiawihong soundoulik kan me tepikihda tohnsukuhl 48 sang nan United States oh Canada. Sapwellimen Siohwa ladu kan koaros kin ale kating mwahu sang kaiahn me Siohwa ketikihda sang ni soangsoangen sukuhl pwukat.
4 Kasukuhl ong Kahrepe Dahieu? Emen tohn Governing Body koasoia: “Atail prokram en kasukuhl kapw kan kin wiawihda pwehn wahpene sapwellimen Siohwa aramas kan sang wasa koaros ong nan irair mwahu en mahla me Lepin Padahk 1:1-4 kin koasoia.” Siohwa en kaukaulehte ketikihong emenemen kitail “lohwen me kin ale kasuhkul kan.”—Aiseia 50:4, New World Translation.