Kitail en Kalahnganki Video Cassette me Oaralap Koasoia: The Bible​—Mankind’s Oldest Modern Book

Ahnsou me ke pahn kilang video cassette wet, ke pahn rong pasepengpen peidek pwukat: (1) Ire kesempwal dah kei kin kasalehda me sohte pwuhk me duwehte Paipel? (2) Kihda karasaras kan me kin kasalehda me Paipel oh sains en rahnwet kin pwungpene mendahki Paipel pwuhk mering ehu. (3) Iaduwen kitail ese me Paipel en rahnwet sohte weksang tepin nting en Paipel me wiawi mahs mahsie? (4) Dahme ntingdi nan tepin nting en Paipel me inenen kesempwal, oh iaduwen met kin kamwekid uhk? (5) Dahme John Wycliffe, Johannes Gutenberg, William Tyndale, Mary Jones, oh Charles Taze Russell wia pwehn sewese Mahsen en Koht en kohpeseng nan sampah? (6) Iaduwen kaudok likamw kan uhwong wiawihdahn oh kawehwehpen Paipel, ahpw dahme kahrehda Paipel sohte kasohrala ahpw e mihmihte lel rahnwet? (7) Dahme sapwellimen Siohwa pwihn sansal wia pwehn kawehwehda Paipel nan lokaia tohto oh pil wiahda Paipel tohto ong aramas akan? (8) Iaduwen kaweid mwahu en Paipel sewese aramas akan me kin ahneki kahpwal me pid pilein mwohni (1 Tim. 6:​9, 10), katohrohrpeseng en ohl pwopwoud oh lih pwopwoud oh dihp en kamwahl (1 Kor. 13:​4, 5; Episos 5:​28-​33), oh nohn kesempwaliki mwohni oh kepwehn sampah (Madiu 16:26)? (9) Mehn kadehde dah kan kin kasalehda me: ma emen pahn doadoahngki kaweid en Paipel nan eh mour, e kak powehdi kahpwal kan duwehte liaktohrohr oh kailok nanpwungen wehi oh keinek kan? (10) Ni ahl dah kan ahmw sukuhliki Paipel sewese iuk en ahneki peren mehlel? (11) Ke lemeleme ihs me pahn paiekihda video cassette wet, oh iaduwen ke pahn kangoange irail en kilang video cassette wet?