Dahme Kitail Kak Koasoia Duwen Makisihn kan
The Watchtower Oct. 15
“Dahme anahne wiawi nanpwungen aramas pwe sampah kak wia wasa ieu me mwahu en kousoan loale oh peren mehlel en miehla ehu rahn? [Mweidong tohnihmw en sapeng.] Aramas akan kin wiahda soangsoangen kaunda kan pwehn kak kamwahuwihala kahpwal kan. Ahpw, menlau tehk duwen sapwellimen Koht madamadau duwen met. [Wadek Seremaia 10:23.] Artikel wet kin kasalehda duwen ‘The Key to a Happy World,’ oh e kin pil kasalehda iaduwen met pahn kak wiawi ehu rahn.”
Awake! Oct. 22
“Ke soh pahn pwungki me aramas akan rahnwet ahneki pwunod tohto sang aramas me kin momour mahs? [Mweidong tohnihmw en sapeng.] Pwuhk Sarawi kohpada me met pahn wiawi. [Wadek 2 Timoty 3:1.] Aramas tohto me ahneki kahpwal tohto nan arail mour solahr men mour. Makisihn wet kin kihong irail kangoang oh sawas mwahu. E kin kasalehda iaduwen emen kak pelianda eh pepehm kansensuwed kan oh ahneki mour katapan ieu ehu ehu rahn.”
The Watchtower Nov. 1
Mwurin ahmw pahn koasoia nuhs me wiawi me kansensuwed, ke kak wia peidek wet: “Dahme kahrehda aramas akan kin wia soahng suwed kan? Kitail kin lemeleme me aramas kin ese dahme pwung sang dahme sapwung ahpw aramas kin wiahte dahme suwed. Dahme kahrehda? [Mwurin tohnihmw pahn sapeng, wadek Kaudiahl 12:9.] Makisihn wet kin kawehwe iaduwen kitail kak pere pein kitail ni atail kin kakehlailih kadeikpen loalatail.”
Awake! Nov. 8
“Mwein ke pahn pwungki me kitail mihmi nan ahnsou ieu me tiahk lemei kin wiawi wasa koaros. [Mwurin tohnihmw pahn sapeng, wadek 2 Timoty 3:3.] Pak tohto, tiahk ‘lemei’ kin wiawi nanpwungen tohnpeneinei kan. Artikel wet me oaralap koasoia ‘Help for Battered Women’ kin kasalehda duwen koapworopwor ong irail me mihmi nan irair wet. Mwein ke ese emen me pahn perenki wadek artikel wet.”