Dahme Kitail Kak Koasoia Duwen Makisihn kan
The Watchtower Oct. 15
“Iaduwen ke kak kawehwe ong seri kan oh meteikan duwen dahme kahrehda soahng suwed kan kin wiwiawihte rahnwet? [Mweidohng en sapeng.] Paipel kin sapeng peidek wet, ‘Ihs me Kin Kahrehda Soahng Suwed Koaros en Wiawi?’ [Wadek 1 Sohn 5:19.] Watchtower wet pahn sewese iuk en wehwehki ihs ih Me Suwedo oh iaduwen kitail kak pelian ih.”
Awake! Oct. 22
“Ke lemeleme me kapakap en kaunen pelien lamalam akan de aramas teikan kak wahdo popohl pohn sampah? [Mweidohng en sapeng.] Paipel kin inoukihda me ahnsou ehu pahn kohdo me sampah pwon pahn ahneki meleilei oh popohl. [Wadek Aiseia 9:6, 7.] Ke tehk wasaht me kaun tohrohr men pahn wahdo popohl pohn sampah? Awake! wet kin kasalehda ihs kaun me se koasoia oh iaduwen e kak wahdo popohl mehlel.”
The Watchtower Nov. 1
“Pali laud en aramas kin nantihong wiahda nanpwung mwahu rehn meteikan. Ahpw, mwein ke pahn pwungki me met kin apwal en wia ahnsou koaros. [Mweidohng en sapeng.] Paipel kin kawehwe dahme kahrehda e kin apwal en wia nanpwung mwahu rehn aramas koaros. [Wadek Seims 3:2.] Artikel wet kin kasalehda me ekei pak ihte me anahn ong kamwahuwihala nanpwung suwed kan iei pek mahk.”
Awake! Nov. 8
“Kokohp kan en Paipel kin kasalehda me ahnsou ehu pahn kohdo me sohte aramas pahn kak nda, ‘I soumwahu.’ [Wadek Aiseia 33:24.] E soh pahn mwahu? [Mweidohng en sapeng.] Ahpw, rahnwet aramas tohto kin iang soumwahu laud kan, iangahki soumwahu en AIDS. Awake! wet pahn sapeng peidek wet, Soumwahu en AIDS pahn kak sohrala?”