Dahme Kitail Kak Koasoia Duwen Makisihn kan

The Watchtower Aug. 15

“Dahme ke lemeleme duwen soangen loalopwoat dahieu me keieu mwahu? [Mweidohng en sapeng.] Artikel wet kin kasalehda me loalopwoat ong Koht mehlelo me inenen kesempwal. [Kasalehda pali 5, oh wadek 2 Samuel 22:26.] Ke wehwehki me loalopwoat ong Koht kin kak sewese aramas en kasalehda limpoak ong meteikan? I ese me ke pahn inenen perenki wadek artikel wet.”

Awake! Aug. 22

“Mie pak me ke pwunodki me ahn aramas arail kasaminehla sampah daulihla dahme re kak kamwahuwihala? [Mweidohng en sapeng.] Ehu kahrepe kahpwalo wiawi iei me aramas kin lekdekla mwahl mwenge de dipwisou kan me mwamwahute. Sises padahkiong sapwellime tohnpadahk kan en dehr wia met. [Wadek Sohn 6:​12.] Makisihn wet kin kasalehda iaduwen idawehn mour en kaweid en Paipel kak sewese peneinei kan en dehr ahneki madamadau me re kak kesehla mwahl soahng kan me mwamwahute.”

The Watchtower Sept. 1

“Ke tehk me nan wasa tohto aramas sohte kin wehwehki ihs mehn mparail kan duwehte mahs? [Mweidohng en sapeng.] Sises kasalehda duwen kih en wia mehn mpe mwahu. [Wadek Madiu 7:​12.] Artikel pwukat kin kasalehda iaduwen kitail kak wia mehn mpe mwahu kan oh iaduwen kitail kak kangoange meteikan en wia duwehte.”

Awake! Sept. 8

“Ong aramas tohto rahnwet, arail mour kin direkihla pingiping oh re sehse dahme pahn wiawi lakapw pali. [Wadek Eklesiasdes 9:​11.] Iawasa kitail kak diar kaweid likilik kan? [Mweidohng en sapeng.] Ekei kin kamehlele “numerology” (ehu soangen wunahni me re kin doadoahngki nempe kan). Ke lemeleme ke kak ese dahme pahn wiawi nan ahmw mour ahnsou kohkohdo ni ahmw pahn doadoahngki “numerology”? Iawasa kitail kak diar ie kaweid likilik me pid ahnsou kohkohdo? Awake! pahn sapeng peidek wet.”