Dahme Kitail Kak Koasoia Duwen Makisihn kan

Kahn Iroir May 2003

“Ia mwomwen omw pahn kawehwe ong seri kan de meteikan duwen dahme kahrehda soahng suwed kan kin wiwiawi rahnwet? [Mweidohng en sapeng.] Pwuhk Sarawi kin sapeng peidek wet, ‘Ihs Me Kin Utungada Suwed kan Koaros?’ [Wadek 1 Sohn 5:​19.] Watchtower makisihn wet pahn sewese iuk en wehwehki ihs Ih me Suwedo oh iaduwen kitail kak pelianda ih. Mendahki nait makisihn kan sohte pweipwei, se kin ale kisin sawas kan me aramas akan kin men kihong kiht pwehn sewese doadoahk en kalohk wet me kin wiawi wasa koaros nan sampah.”

The Watchtower May 15

“Rahn koaros, kitail kin rong duwen aramas me kin lemei ong aramas teikan. Ke lemeleme soangen irair pwukat kin wiawi mahs mahsie? [Mweidohng en sapeng.] Tehk dahme Paipel mahsanih. [Wadek Madiu 24:37.] Mwehin Noha me inenen suwed me kahrehda Koht koakoahkasang aramas koaros​—⁠ihte Noha oh eh peneinei me pitla. Makisihn wet kasalehda iaduwen wiewia pwukat kin pid kitail rahnwet.”

Awake! May 22

“Rahnwet, soumwahu me kin kohsang mahn tikitik me adaneki “insect” kin keper ong atail roson en paliwar. Ke wehwehki duwen dahme ke kak wia pwehn pere pein kitail sang soumwahu pwukat? [Mweidohng en sapeng.] Makisihn wet kin koasoia duwen soumwahu pwukat oh e pil kin kasalehda inou me ntingihdi nan Paipel me ehu rahn soumwahu kan solahr pahn wiawi.” Kaimwisekla ahmw koasoi ni ahmw pahn wadek Aiseia 33:24.