Dahme Kitail Kak Koasoia Duwen Makisihn kan

Kahn Iroir January 2004

“Aramas tohto men kilang meleilei oh popohl en pweida pohn sampah. Ke lemeleme kitail pahn kak kilang met pweida? [Wadek Melkahka 46:9. Mwurin mwo, mweidohng en sapeng.] Watchtower makisihn wet kin koasoia iaduwen met pahn wiawi oh dahme kahrehda kitail kak likih me sapwellimen Koht inou en solahr mahwen pahn wiawi pohn sampah. I pahn perenki en pwurodo oh koasoia duwen met. Ma ke men kihda ahmw kisin sawas ong doadoahk en kalohk wet me kin sewese aramas en sukuhliki duwen Paipel, se pahn perenki ale.”

The Watchtower Jan. 15

“Pwehki inou kan kin kalap ohla nan rahnpwukat, aramas tohto kin diarada me apwal ong irail en likih aramas. Ke leme mie emen me ke kak likih ah inou kan? [Mweidohng en sapeng. Mwurin mwo, wadek Sosua 23:14.] Makisihn wet kin kasalehda iaduwen kitail kak likih sapwellimen Koht inou kan me ntingdi nan Paipel.”

Awake! Jan. 22

“Ih duwen mwaren Koht ntingdi ni nting en Ipru. [Kasalehda kilin makisihn.] Ekei aramas kin lemeleme me mwar wet sohte konehng aramas en nda. Pil ekei aramas kin lemeleme me e kesempwal kitail en doadoahngki mwaren Koht ahnsou koaros. Awake! makisihn wet kin kasawihada duwen ire wet. E kin kasalehda iaduwen atail pahn kak esehla Koht sang ni atail pahn doadoahngki mware.” Wadek Melkahka 83:18.