Dahme Kitail Kak Koasoia Duwen Makisihn kan
The Watchtower Jan. 15
“Aramas tohto kin kaudokiong oh poaridiong dikedik en eni kan de sansal kan. Ke lemeleme soahng pwukat—mie arail manaman en kak doarehla emen? [Mweidohng en sapeng.] Menlau tehk dahme Koht mehlel pahn wia ong kitail. [Wadek Kaudiahl 21:3, 4.] Ihte Koht me uhdahn mie kak wia met. Makisihn wet kin kasalehda ihs Ih oh iaduwen kitail kak ale kamwahupatail ma kitail pahn likih Ih.”
Awake! Jan. 22
“Ekei pak, kitail sohte kin medemedewe duwen kesempwalpen pein imwatail. Ahpw, aramas rar rar kei me lipasang pein sapwarail kin kohkohseli mwahl, oh re sohte kin ale sawas kan me re kin anahne. Awake! kin kasawihada kahpwal wet oh pil kin kasalehda duwen inou me kohsang Paipel me ehu rahn aramas koaros pahn imwahneki pein imwarail.”
The Watchtower Feb. 1
“Rahnwet, aramas tohto kin nsenohki laud kasaminehla en sampah oh nan wehwe. Ahpw, mie pak me ke medemedewe me atail madamadau kan pil kak saminla? [Mweidohng en sapeng.] Paipel kin kasalehda duwen kesempwalpen mwakelekel ni paliwar oh ni pali ngehn. [Wadek 2 Korint 7:1.] I lemeleme ke pahn perenki ire kesempwal pwukat oh pahn kilang me soahng pwukat kin wia sawas laud nan ahmw mour oh pil katapan.”
Awake! Feb. 8
“I lemeleme me ke kin kasawihada me pwopwoud tohto kin peren nin tepio ahpw mwuhr kin tohrohrpeseng de mweipeseng. I men kihong komwi Awake! makisihn wet pwehki e kin kasalehda dahme Paipel koasoia ong iaduwen pwopwoud kan kak nsenamwahu oh pweida mwahu oh pil werei.”