Dahme Kitail Kak Koasoia Duwen Makisihn kan

KAHN IROIR

PAKPAKAIRKI WEHIN SIOHWA

February 2005

“Ma rahnwet manaman wiawi duwehte me kileledi nan kilin makisihn wet, pali laud en aramas pahn apwaliki kamehlele. Dahme ke lemeleme? [Mweidohng en sapeng. Mwuri, wadek Mark 4:​39.] Mehn kadehde dah kan kin kasalehda me manaman me Sises wiahda uhdahn wiawi? Kahn Iroir wet kin kawehwe duwen pasapengpen peidek wet. Se kin kihla neit makisihn kan ong aramas koaros me kin perenki rong oh men sukuhliki duwen Pwuhk Sarawi. Ma ke men kihda ahmw kisin sawas ong doadoahk en kalohk wet me kin wiawi nan sampah pwon, I pahn perenki ale.”

The Watchtower Feb. 15

“Ekei pak, kitail kin rong ripoht kan me dene me manaman wiawi. [Kasalehda duwen karasepe ehu.] Ekei aramas kin kamehlele ripoht pwukat. Pil ekei aramas sohte kin kamehlele. Makisihn wet kin kasalehda ma manaman akan me kileledi nan Paipel uhdahn wiawi oh e pahn pil kasalehda ma manaman kin kak wiawi rahnwet.” Wadek Seremaia 32:21.

Awake! Feb. 22

“Mahs mahsie, Koht kehkehlikiong seri kan en wauneki, kaidehn ihte arail pahpa kan, ahpw pil arail nohno kan. [Wadek Eksodus 20:12.] Ke lemeleme seri kan kin wauneki arail nohno kan rahnwet ni ahl me konehng? [Mweidohng en sapeng.] Makisihn wet kin kasawihada kahpwal kan me nohno kan kin lelohng wasa koaros nan sampah oh ma irail kak powehdi kahpwal pwukat.”