Mehn Kataman kan en Katamano

Katamanpen Kamatalahn Krais pahn wiawi Ni Esil, April 12. Elder kan anahne tehk kanahieng duwen ire pwukat.

◼ Ni ahnsou me irail pahn koasoanehdi kuloak me Kataman pahn wiawi, ren tehk mwahu me pilawa oh wain en dehr pass-seli lao lel ketipin kihrla.

◼ Aramas koaros, iangahki brothero me pahn wia padahk rahno, pahn anahne ese kuloak oh wasa me Kataman pahn wiawi.

◼ Anahne en alehda oh kaunopada soangen pilawa oh wain me konehng en kadoadoahk ni Katamano.—Kilang Watchtower (lokaiahn wai) en February 15, 2003, pali 14-15.

◼ Dahl kan, kep klas kan, tehpel oh likoun pwaindi tehpel anahne en wisikdo ni Kingdom Hall oh pwildiong wasa kan me soahng pwukat pahn mie mwohn Kataman pahn tepida.

◼ Kingdom Hall oh wasa teikan me Kataman pahn wiawi ie anahne en kamwakelada mwahu mwohn rahn me Kataman pahn wiawi.

◼ Anahne en pilada attendant kan oh irail me pahn pass-seli pilawa oh wain oh kihong irail kaweid—mwohn rahn en Kataman—ong duwen wiepe pwung kan ong met oh duwen arail pwukoa kan oh pil duwen arail anahne doadoahngki likou oh kapwat me konehng oh wahu rahno.

◼ Koasoandi kan anahne en wiawihda pwe pilawa oh wain en pass ong me keidi kan me soumwahu oh sohte kak iang towehda Kataman.

◼ Ni ahnsou me mwomwohdiso tohto sang ehu pahn doadoahngki Kingdom Hall ehute, mwomwohdiso kan me anahne koasoanehdi mwahu pwe towe kan en dehr pokopokon ni soh kahrepe nan wasahn pedolong kan, nan wasa me aramas kin alu, ni keilen ahl akan, oh nan wasahn peidi en sidohsa kan.