Mehn Kataman kan en Katamano

Katamanpen Kamatalahn Krais en pahr wet pahn wiawi Ni Ehd, April 2. Elder kan anahne tehk kanahieng ire pwukat.

◼ Pwehn koasoanehdi ahnsou ong mihding, tehk kanahieng pilawa oh wain sohte pahn pahs lao ketipin kihrla.

◼ Aramas koaros iangahki me pahn wia kapahrek, anahne ese kuloak oh ia wasa kataman wet pahn wiawi ie.

◼ Soangen pilawa oh wain me konehng anahne kaunopada.—Kilang The Watchtower en lokaiahn wai en February 15, 2003, pp. 14-15.

◼ Anahne mwadang pilada attendant kan oh padahkiong irail me pahn pahs pilawa oh wain duwen arail pwukoa kan, wiepe konehng kan me re pahn idawehn, oh anahnepen likawih likou me konehng.

◼ Dahl kan, kep klas kan, oh tehpel oh likou en tehpel anahne wisikdohr mwowe nan Kingdom Hall oh pwildi mwohn Kataman pahn tepida.

◼ Kingdom Hall oh wasa teikan me kataman pahn wiawi ie anahne kamwakelada mwahu.

◼ Koasoandi kan anahne en wiawihda pwe pilawa oh wain en pahs ong me keidi kan me soumwahu oh sohte kak iang towehda Kataman.

◼ Ni ahnsou me mwomwohdiso tohto sang ehu pahn doadoahngki ehute Kingdom Hall, e anahne en mie koasoandi mwahu nanpwungen mwomwohdiso kan pwe en dehr koait nan wasahn kommoal kan de wasahn pidelong kan, pohn wasahn alu kan, oh wasahn peidi en sidohsa kan.