Dahme Kitail Kak Koasoia Duwen Makasihn kan
Kahn Iroir September 2009
“Ekei kin nda me pelien lamalam koaros duwehte soangsoangen ahl akan me kolahng rehn Koht. Ke lemeleme pelien lamalam koaros me mwahu? [Rong dahme tohnihmw pahn sapengki.] Menlau tehk dahme Paipel mahsanih. [Wadek Madiu 7:13, 14.] Makasihn wet kin kasalehda soangen irair siluh me Paipel mahsanih me pelien lamalam pwung anahne kasalehda.” [Kawehwehda duwen koasoandi en kihda sawas.]
Awake! September
Wadek 1 Sohn 4:8 oh kowe nda: “Ekei kin kamehlele me Koht kin kaloke aramas suwed akan nan ehl, kisiniei ehu me kin wie lullul soutuk. Ekei kin medewe me met sohte pahrekiong dahme kitail ahpwtehn wadek. Ia omwi pepehm? [Rong dahme tohnihmwo pahn sapengki.] Makasihn wet kasalehda dahme Paipel padahngki me pid ire wet.” Pahkalahng pali 10.
Kahn Iroir October 2009
“Ekei kin nda me ma ke kin lelepek ong Koht, e pahn kapaia iuk ki dipwisou tohto oh dene me semwehmwe iei kilelen me Koht sohte kupwurei iuk. Ia omwi lamalam? [Rong dahme tohnihmw pahn sapengki.] Me kapwuriamwei pwe Sises sohte wia aramas kepwehpwe men. [Wadek Luk 9:58.] Makasihn wet kin koasoia soangen kapai dah kan me sapwellimen Koht ladu kan kak kasik.”
Awake! October
“Kahpwal kin pwarada nan peneinei koaros. Ia wasa me ke leme me peneinei kak alehsang ie kaweid me pahn kak sewese irail? [Rong dahme tohnihmwo pahn sapengki. Mwurin mwo, wadek Melkahka 32:8.] Oaralap tohrohr wet nan makasihn wet kasalehda kaweid en Paipel kan ni oaritik me pahn sewese peneinei kan ma re pahn kapwaiada kaweid pwukat.”