Dahme Kitail Kak Koasoia Duwen Makasihn kan
Kahn Iroir July 2009
“Ma ke pahn rapahki kaweid kan me pid apwalih seri, limpoak, de pweida mwahu, ke pahn kak diarada soangsoangen kaweid kan me wekpeseng. Ia duwe, ke medewe me kaweid pwuko kin wia sawas mwahu? [Rong dahme tohnihmw pahn sapengki.] Aramas tohto sohte kin tehk ia wasa me re kak diarada kaweid mwahu. [Wadek 2 Timoty 3:16.] Makasihn wet kin koasoia kahrepen atail kak likih Paipel oh karasahda kaweid mwahu kan me Paipel kin kihda.”
Awake! July
“Pali laud en kitail kin kalahnganki dahme atail pahpa oh nohno kin padahkihong kitail. Ia omw madamadau, e sohte konehng ma kitail pahn kasawih padahk kan en pelien lamalam me kitail tikida loale? [Rong dahme tohnihmw pahn sapengki. Mwurin mwo wadek 1 Deselonika 5:21.] Makasihn wet kin kasalehda ma e sapwung en wekidala atail pelien lamalam.” Kasalehda pali 28.
Kahn Iroir August 2009
“Aramas tohto me kin naineki Paipel kin apwalki wehwehki audepe kan. Mie pak ke pil ahneki soangen pepehm wet? [Rong dahme tohnihmw pahn sapengki.] Iren Paipel wet kin kasalehda me Koht kupwurki kitail en wehwehkihla oh paiekihda audepen Paipel. [Wadek Melkahka 119:130.] Makasihn wet kin kihda ahl siluh me pahn kak sewese kitail en wehwehkihla Paipel.”
Awake! August
“Mwein kitail koaros kin lelohng kahpwal kan pwehki aramas kin lipilipilki aramas. Ia omw madamadau, ia sapwellimen Koht madamadau duwen lipilipilki aramas? [Rong dahme tohnihmw pahn sapengki. Mwurin mwo wadek Wiewia 10:34, 35.] Paipel kak sewese kitail en powehdi kahpwal wet. E pil kak sewese kitail en sohla ahneki soangen madamadau wet. Makasihn wet kin kawehwehda duwen met.”