Dahme Kitail Kak Koasoia Duwen Makasihn kan

Kahn Iroir June 2009

Wadek Madiu 24:3, oh eri nda: “Ekei kin nda me peidek wet kin pid kasohralahn sampah. Ia omw madamadau, sampah wet pahn kasohrala? [Rong dahme tohnihmw pahn sapengki.] Sapwellimen Sises pasapeng ong peidek wet kin padahkihong kitail me kitail kak kasikasik mehkot mwahu, ahpw kaidehn kasohralahn sampah. Makasihn wet kin kawehwehda duwen met.” Kasalehda pali 22.

Awake! June

“Kitail koaros mie kompoakpatail me melahr. Ia duwe, ke medewe me kitail anahne masak irail pwehki mwein irail nsensuwed pahtail oh men lidere kitail? [Rong dahme tohnihmw pahn sapengki, oh eri wadek Eklesiasdes 9:5, 6.] Makasihn wet kin kawehwehda mehkot me kansenamwahu.” Kasalehda pali 22.

Kahn Iroir July 2009

“Aramas tohto kin wadek pwuhken kaweid kan me pid ia duwen emen en apwalihada nah seri, limpoak, oh ia duwen emen kak pweida nan eh mour. Ia duwe, ke iangehr wadek soangen pwuhk pwukat oh re wia sawas mwahu? [Rong dahme tohnihmw pahn sapengki.] Aramas tohto sohte kin kilang kaweid mwahu wet. [Wadek 2 Timoty 3:16.] Makasihn wet kin kawehwehda kahrepen atail kak likih Paipel oh pil kihda ekei kaweid mwahu kan me kohsang nan Paipel.”

Awake! July

“Aramas tohto kin ahneki pahtou laud. Ia omw madamadau, Koht kin ketin nsenohki irail kan me kin ahneki pahtou laud? [Rong dahme tohnihmw pahn sapengki, oh eri wadek Melkahka 34:18.] Makasihn wet kin kawehwehda ia duwen irail kak ale sawas sang rehn Koht mendahki re anahne sawas en palien wini. E pil kihda kaweid kan ong ia duwen kitail kak sewese irail.”