Dahme Kitail Kak Koasoia Duwen Makasihn kan
Kahn Iroir June 2010
“Mie pak ke medewe ma dahme kahrehda Koht ketin mweidohng lokolok en wiawi? [Rong pasapeng.] Tehk peidek ehu me emen sounnting en Paipel kasalehda. Me tohto kin pil idek peidek wet. [Wadek Melkahka 10:1.] Makasihn wet kin kasalehda dahme Paipel kin mahsanihki kahrepen Koht eh ketin mweidohng lokolok en wiawi oh dahme e ketin wia pwehn kihsang lokolok.”
Kahn Iroir June 2010
“Pwehki me pwulopwul tohto kin kemehla pein irail, e wia kahpwal ehu me kitail koaros kin men nsenohki. Dahme ke leme kak sewese irehdi me pwulopwul men sang kemehla pein ih? [Rong dahme tohnihmw pahn sapengki.] Tehk dahme Paipel mahsanih me kak sawas. [Wadek Seims 1:19.] Ire wet nan pali 31 kasalehda ia duwen atail kak kangoange me pwulopwul kan en kasalehda arail lamalam kan pwe kitail en kak rong oh ese ia duwen atail pahn sewese irail.”
Kahn Iroir July 2010
“Weksang mahs, sarawi tohto rahnwet solahr kin koasoia duwen dihp. Ke kin iang kamehlele me dihp iei madamadau ehu me solahr katepe nan ahnsou wet, de e wia mehkot me kitail anahne kesempwalki? [Rong dahme tohnihmw pahn sapengki. Eri wadek Rom 5:12.] Makasihn wet kin kasalehda dahme Paipel kin mahsanihki duwen dihp.”
Kahn Iroir July 2010
“Ia omwi pepehm, e kesempwal pahpa oh nohno kan en kin kapinga neirail seri kan? [Rong dahme tohnihmw pahn sapengki.] Tehk dahme Paipel kin padahkihong kitail duwen met. [Wadek Mark 1:11.] Koht ketikihda mehn kahlemeng mwahu duwen met ong kitail ni eh ketin kapinga sapwellime ohl Sises. Makasihn wet kasalehda duwen pahpa oh nohno ar pwukoahki en kin kapinga neira seri kan oh padahkihong irail duwen Koht.” Kasalehda ire me mi pali 29.