Koakon En Peidek

◼ Dahme ke anahne wia ma mie me ndahng uhk en uhdi kalohk?

Karasepe, ekei pilismen kan kin kohla rehn sounkalohk kan me kin kalokalohk oh ndahng irail en uhdi kalohk pwe re kauwelahr kosonned. Ma met wiawi a ke anahne ni wahu mwadang kohkohlahsang wasao. (Mad. 5:41; Pil. 4:5) Dehr song en pein repen pwung oh pil song en kawehwe omw pwung en wia met. Ma kak, song en alehdi nempehn ID en sounpilismeno oh depenehn ohpis me e kin wie doadoahk ie. Mwurin mwo, padahkihong elder kan pwe re pahn kak kairehkin ohpis en Sounkadehdehn Siohwa kan nan Guam dahme wiawi. Ma irail kaunen apartment kan pahn pil ndahng uhk en dehr kalohk nan apartment kan, ke pil anahne mwadang peikiong irail oh padahkihong elder kan. Kahpwal kan kak sohte wiawi ma ke pahn kin meleilei oh aktikitikiong irail akan me ahneki manaman.—Lep. Pad. 15:1; Rom 12:18.