Menlau Kohla Rehrail Mwadang

Kohla rehn ihs mwadang? Rehn irail me kin peki en ale pwuhk, brochure de makisihn oh irail me kin perenki wadek neitail makisihn kan oh pil irail me pekihda Sounkadehde men en kohla ni imwarail. Soangen pekipek kan kin kohsang ihs? Ekei aramas kin ntingwong de telephonelahng de e-mail lahng ahn Society “Internet Web site.” Ma aramas pwukat kin kasalehda me irail perenki rong, Branch Ohpis kin kehsehki mwomwohdiso kan duwen aramas sang ni arail kin doadoahngki doaropwe en “S-70 form” me ntingdi powe “Please Arrange for a Qualified Publisher to Call on This Person.” Ni ahnsou me elder kan kin ale doaropwe en “S-70 form,” irail anahne mwadang kihong sounkalohk men me pahn kak kohla rehn aramaso me perenki rong me edeo mihmi pohn doaropweo. Ma sounkalohko sohte kak diar aramaso ni imweo, e kak song en doadoahngki telephone oh call ih de e kak ntingihdi kisinlikou oh kihdi ni imweo. Ma elder kan pahn idek rehmw en kohla rehn aramas emen, menlau nantihong en kohla reh mwadang.