Pali 11: Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu
Sewese Tohnsukuhl akan me Wiahla Sounkalohk kan en Pwurehng Pwurala Rehn Aramas akan
1 Ni ahnsou me tohnsukuhl en Paipel men kin tepida iang kalohk, e pahn kin tuhwong aramas akan me kin perenki rong duwen Rongamwahu. Iaduwen omw kak sewese sounkalohk kapwo en pweida mwahu ni e pahn pwurehng pwurala rehn aramas akan (return visit) oh kakairada ahn tohnihmwo ah ineng en men rong?
2 Kaunopada ohng wia return visit kak wiawi ni ahnsou me e pahn tepin tuhwong tohnihmwo. Kangoange sounkalohk kapwo en kasalehda a nsenohki aramas akan me e kin tuhwong. (Pilipai 2:4) Ekis ekis kaiahneda sounkalohk kapwo en kin wia peidek kan ong tohnihmw kan me e kin padahk ong pwe irail en kak kasalehda arail madamadau kan, oh rong mwahu ahnsou me irail pahn koasoi, oh tamataman dahme irail kin pwunodki. Ni ahnsou me tohnihmwo pahn kasalehda me e perenki rong, sewese sounkalohk kapwo en ntingihdi soahng kan me kesempwal me duwehte ede, ah wasahn kousoan, dahme re koasoipene. Doadoahngki soahng pwukat pwehn koasoanehdi dahme sounkalohk kapwo pahn koasoia ni ah pahn pwurehng pwurala rehn aramaso.
3 Kaunopada Pwehn Pwurehng Pwurala: Kousapahlih tepin ara tuhpeneo, oh kasalehiong sounkalohk kapwo iaduwen a pahn pilada ehu ire me pid Wehio me pahn sair mohngiong en tohnihmwo. (1 Kor. 9:19-23) Kumwa kaunopada ehu kisin padahk pwe en kak doadoahngki iren Paipel ehu oh pil wadek ehu parakrap nan brochure. Oh pil, kaunopada peidek ehu me e kak kihda ni imwin ah padahko pwehn kak kaunopada ong ah pahn pwurehng pwurala rehn tohnihmwo mwuhr. Kasalehiong sounkalohk kapwo iaduwen e kak kalaudehla ahn aramaso ah loalokongkihla Mahsen en Koht ehu ehu return visit me e pahn kin wia.
4 E pil pahn wia sawas laud ma ke pahn sewese tohnsukuhlo (sounkalohk kapwo) en wiahda ehu kisin padahk mwotomwot pwehn kak doadoahngki ni ah pahn pwurehng pwurala rehn tohnihmwo (return visit). Mwurin e pahn rahnmwahuih tohnihmwo, e kak nda: “I perenki ata koasoipene rahn teio, oh I pwurodo pwehn pil ehukihong komwi ekei ire me pid duwen [nda oaralap me e pilada en koasoia].” Ke pahn pil anahne kasalehiong sounkalohk kapwo dahme e pahn nda ma e pahn tuhwong emen tohrohr.
5 Nantihong Pwurepwurehng Pwurala: Kangoange sounkalohk kapw en wia mehn kahlemeng mwahu ni ah pahn pwurehng pwurala rehn aramas akan koaros me kin perenki rong. Kitail anahne nantihong pwurepwurehng pwurala rehn aramas akan ma kitail men diar irail nan imwarail. Padahkiong sounkalohk kapwo iaduwen e pahn koasoanehdi rehn tohnihmwo ahnsou pwehn pwurehng pwurala reh, oh sewese ih en wehwehki duwen kesempwalpen kapwaiada ah inou en pwurehng pwurala ahnsou me e koasoanehdi. (Madiu 5:37) Kaiahne sounkalohk kapwo en kasalehda kadek oh wahu, ese lamalam, ni ahnsou me e pahn rapahki irail me rasehng sihpw kan oh nantihong kakairada arail ineng en perenki rong.—Taitus 3:2.
[Kilel nan Pali 1]
(Doulahng ni pali 2)
[Kilel nan Pali 2]
Pali 11 (Doula sang pali 1)