Koasoandi En Service Mihding
Wihk me Tepida July 11
10 min: Pakair en sahpwet. Ekei pakair kan sang Atail Doadoahk Ong Wehio. Koasoanehdi kamwomwada me pahn kasalehda iaduwen kitail kak kihla Kahn Iroir en July ni atail pahn doadoahngki padahk kan nan pali 4 (ma padahko mwahu ong ahmw wasahn kalohk). E pahn mwahu en kasalehda iaduwen kitail kak kihla makisihn wet nan wasahn netinet kan de nan wasa kan me wehi pokon kin kohpene ie.
15 min: Anahn en sahpwet.
20 min: “Kalohk ong Aramas Koaros Me Ke Kak Tuhwong.”a Ni ahnsou me ke wia parakrap 5, ke kak kousapahlih ire kesempwal kan sang Atail Doadoahk Ong Wehio en June 2005, pali 8, me pahn mwahu ong pein ahmw wasahn kalohk.
Koul 38 oh kapakap.
Wihk me Tepida July 18
10 min: Pakair en sahpwet. Kasalehda, ni mwotomwot, duwen ire kesempwal kan nan Watchtower (lokaiahn wai) en August 15, 2000, pali 32. Kasalehda kamwahupen kolokol ahmw koasoandi en wadek Paipel rahn koaros, oh pil wia met nan ahnsoun kommoal oh ahnsou teikan me kitail sohte wiewia dahme kitail kin ahn wia.
15 min: “Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu—Pali 11.”b Koasoanehdi kamwomwada en emen brother de sister me kin wia Paipel study rehn emen oh tohnsukuhl en Paipel me wiahla sounkalohk kapw me kaukaunopada en wia return visit. Ira kousapahlih tepin ahnsou me sounkalohk kapwo tuhwong tohnihmw oh pilada ire ieu me konehng en koasoipene ni ahnsoun return visit. Ira kaunopada tepin koasoi me mengei oh peidek ieu me e kak kihda ni imwin ara koasoipene. Ni kaimwiseklahn kamwomwada ira pahn kakehr tepida praktis dahme ira kaunopada.
20 min: Sewese Meteikan en Kalahnganki Paipel. Padahk wet pahn poahsoanda pohn pwuhken Loalokong, pali 15-17, parakrap 10-15 oh e pahn wiawi ni peidek/pasapeng. Doadoahngki peidek kan me mihmi nan pwuhko. Kasalehda duwen ire kan sang Mehn Kasukuhl 1 en Kupwurki brochure.
Koul 5 oh kapakap.
Wihk me Tepida July 25
15 min: Pakair en sahpwet. Wadek ripoht en mwohni oh donation acknowledgments. Koasoanehdi kamwomwada me pahn kasalehda iaduwen kitail kak doadoahngki Watchtower en July 15 oh pil Awake! en July 22 ni atail pahn doadoahngki padahk kan ni pali 4 (ma padahk pwukat me mwahu ong pein ahmw wasahn kalohk). Sounkalohk kan kak pil doadoahngki pil ekei padahk kan me konehng. Nan kamwomwada kan, kasalehda dahme kitail kak nda ma tohnihmwo pahn nda “I kedirepw.”—Tehk pwuhken Reasoning, pali 19-20.
10 min: Padahkiong Noumw Seri kan Padahk Mehlel oh Sewese Irail en Poakohng Siohwa Sang Mohngiongarail. (Deud. 6:7) Emen elder pahn wia padahk wet me pahn poahsoanda pohn Watchtower (lokaiahn wai) en August 15, 2002, pali 30-31. Kasalehda iren Paipel kan me kin kihda kaweid ong kaiahne seri kan pwehn sewese Kristian pahpa de nohno men me ah pwoud sohte iang padahk mehlel.
20 min: “Atail Pweipwand Ong Meteikan.”c Kasalehda duwen ire kesempwal kan sang Watchtower (lokaiahn wai) en July 1, 2000, pali 11, parakrap 13.
Koul 37 oh kapakap.
Wihk me Tepida August 1
15 min: Pakair en sahpwet. Katamankin sounkalohk kan pwe irail en kapedolong neirail ripoht en kalohk en July. Luhke tohnmwomwohdiso en pakalahng pwuhken Benefit From Theocratic Ministry School Education, pali 70, oh wia parakrap 1-2 oh koakon me koasoia “How to Comment at Meetings” oh tohnmwomwohdiso pahn iang pasapeng.
15 min: “Sewese Noumw Seri kan en Pweida Nan Arail Kalohk.” Emen brother pahn wia padahk wet oh tohnmwomwohdiso pahn iang koasoi. Koasoanehdi kamwomwada me pahpa/nohno men kin sewese nah seri kaunopada wia kisin padahk mengei. Mwurin serio kanekehla ah padahk, pahpa/nohno pahn kawehwehda duwen koasoandi en sawas.
15 min: Ke Kin Song en Kawekila Ahmw Padahk? Emen brother pahn wia padahk wet me pahn poahsoanda pohn Atail Doadoahk Ong Wehio en January 2005, pali 6 oh tohnmwomwohdiso pahn iang koasoi. Kousapahlih iren sawas kan, oh kasalehda iaduwen ke kak kawekila ahmw padahk ong dahme kitail pahn kihla nan August. Koasoanehdi kamwomwada ehu de riau.
Koul 61 oh kapakap.
a [Nting tikitik me mi pah]
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.
Tepin koasoi pahn mwotomwot sang minit ehu, oh mwurin mwo, peidek oh pasapeng kan.