Dahme Kitail Kak Koasoia Duwen Makasihn kan
Kahn Iroir October 2009
“Ekei kin nda me ma ke lelepek ong Koht, e pahn ketin kapaiukada pwe ken kepwehpwehla, ahpw ma ke semwehmwe, met kin wehwehki me Koht sohte kupwurkin uhk. Ia omw madamadau? [Rong dahme tohnihmw pahn sapengki.] E mwahu kitail en tehk me Sises kaidehn aramas kepwehpwe men. [Wadek Luk 9:58.] Makasihn wet koasoia duwen kapai kan me sapwellimen Koht ladu kan kak kasik.”
Awake! October
“Komw pahn pwungki me kahpwal tohto kin lelohng peneinei tohto rahnpwukat? [Rong dahme tohnihmw pahn sapengki.] Me tohto sohte wehwehki me mie kaweid mwahu kan nan Paipel me kak sewese irail. Iet ehu karasaras. [Wadek ehu iren Paipel sang nan Makasihn wet.] Makasihn wet kasalehda ia duwen kaweid en Paipel eh kak sewese peneinei kan en kak powehdi soangsoangen irair kan me re ahneki.”
Kahn Iroir November 2009
“Ia omw madamadau me pid duwen ire wet? [Wadek Deuderonomi 32:4.] Mie pak me ke kin medemedewe: Ma Koht sapwellimanki manaman, oh kin pwung oh pahrek, dahme kahrehda sampah nohk direkihla lokolok oh me suwed kan? [Rong dahme tohnihmw pahn sapengki.] Makasihn wet kin kawehwehda kahrepen Koht eh ketin mweidohng me suwed en kin mihmihte leledo atail ahnsou.”
Awake! November
“Soahng kan me duwehte cell phone oh computer kin wialahr kisehn mour ahnsouwet. Ia duwe, atail kin doadoahngki soahng kapw pwukat kin wia kamwahu de kin kauwehla mwahl ahnsou? [Rong dahme tohnihmw pahn sapengki.] Me tohto pahn kin pwungki mehn kangoang wet en doadoahngki mwahu atail ahnsou. [Wadek Episos 5:15, 16.] Makasihn wet koasoia duwen atail kak doadoahngki soahng pwukat ni ahl toupahrek oh me pahn kasalehda atail nsenohki meteikan.”