Dahme Kitail Kak Koasoia Duwen Makasihn kan
Kahn Iroir July 2010
“Weksang mahs, sarawi tohto rahnwet solahr kin koasoia duwen dihp. Ke kin iang kamehlele me dihp iei madamadau ehu me solahr katepe nan ahnsou wet, de e wia mehkot me kitail anahne kesempwalki? [Rong pasapeng. Eri, wadek Rom 5:12.] Makasihn wet kin kasalehda dahme Paipel kin mahsanihki duwen dihp.”
Kahn Iroir July 2010
“Ia omw madamadau, e kesempwal pahpa oh nohno kan en kin kapinga neirail seri kan? [Rong pasapeng.] Tehk dahme Paipel kin padahngki duwen met. [Wadek Mark 1:11.] Koht ketikihda mehn kahlemeng mwahu duwen met ong kitail ni eh ketin kapinga sapwellime ohl Sises. Makasihn wet kin kasalehda duwen pahpa oh nohno kan ar ahneki pwukoa en kapinga neirail seri kan oh padahkihong irail duwen Koht.” Kasalehda ire me mi nan pali 29.
Kahn Iroir August 2010
“Aramas tohto kin nda me ih me keieu lapalap iei Koht. Ahpw, ke ese me Paipel kin padahkihong kitail duwen mwaren Koht? [Rong pasapeng. Eri, wadek Aiseia 42:8a.] Makasihn wet kin kawehwehda dahme kahrehda mwaren Koht solahr mi nan ekei Paipel kan oh dahme e kesempwalki ken ese mwaren Koht.”
Kahn Iroir August 2010
“Aramas mwahu tohto kin tepida iang pidada pelien politik pwehki irail men wiahiong sampah en mwahula oh sohla keper. Ke leme irail kak pweida? [Rong pasapeng.] Paipel kin padahkihong kitail dahme kahrehda sampah wet susuwedkihla. [Wadek 1 Sohn 5:19.] Makasihn wet kin kawehwehda dahme kahrehda Sises sohte ketin iang pidada politik kan.” Kasalehda ire kan nan pali 18.