Dahme Kitail Kak Koasoia Duwen Kahn Iroir
Kahn Iroir January 2011
“Aramas tohto kin kamehlele me mie ngehn akan me kin kamwakid atail mour. Dahme omw madamadau? [Rong pasapeng. Eri wadek Kaudiahl 12:7-9.] Kisin pwuhk wet kin kasalehda duwen dahme Paipel mahsanih duwen ngehn akan oh ia duwen arail kin pid atail mour oh ma kitail kak koasoiong irail.”
Kahn Iroir January 2011
“Ehu mehkot me kansensuwed me kin kak wiawi nan peneinei ehu iei ni emen eh kin kemehla pein ih. Dahme ke medemedewe me pahn kak sewese emen pwehn dehr kemehla pein ih? [Rong pasapeng.] Paipel kin padahkihong kitail mehkot me pahn kak sawas. [Wadek Rom 15:4.] Iren nan pali 14 kasalehda ia duwen sawas sang nan Paipel eh doarehla ohl emen sang eh pahn kemehla pein ih.”
Kahn Iroir February 2011
“Aramas tohto kin kamehlele me mwetuwel en Ihden wia soai pwoat. Ke sou pahn pwuriamweiki ma ke sukuhlki me Sises kin mahsanih me Adam oh Ihp uhdahn wia aramas kei? [Rong pasapeng. Wadek Madiu 19:4-6.] Kisin pwuhk wet pahn sapengla ekei peidek me aramas kalapw peidengki duwen mwetuwel en Ihden.”
Kahn Iroir February 2011
“Aramas tohto kin ahneki pepehm me Koht kin ketin nsenohki aramas koaros ahpw re kin apwalki kamehlele me Koht kin ketin nsenohki emenemen kitail. Ia omw madamadau? [Rong pasapeng.] Tehk dahme mahsen en Koht kin mahsanihki met. [Wadek Melkahka 149:4.] Kisin pwuhk wet pahn sewese kitail en kilang me Sounkapikpatailo kin uhdahn nsenohki emenemen kitail.”