Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop en February

“Se men ese omwi madamadau ong peidek wet. Ia mwaren Koht? [Mweidohng tohnihmw en sapeng.] Menlau tehk mahs met.” Kihong tohnihmw Kahn Iroir en January 1 oh kasalehiong ire me mi nan tihnsewen Kahn Iroiro. Kumwa koasoiapene ire kan me mi pahn keieun peidek oh wadek ehu iren Paipel. Kihong Kahn Iroir oh koasoanehdi ken pwurala kumwa koasoia peidek keriau.

Kahn Iroir January 1

“Aramas tohto kin koasoakoasoia duwen imwin sampah. Ke leme imwin sampah iei mehkot me kitail anahne masak? [Mweidohng tohnihmw en sapeng.] Nin duwen iren Paipel wet, mie ekei me pahn pitla. [Wadek 1 Sohn 2:17.] Kisin pwuhk wet kin kihda pasapeng sang Paipel ong peidek pahieu me aramas tohto kin idek me pid imwin sampah.”

Pwehn Tapihada Onop en Paipel kan ni Omw Pahn Doadoahngki Doaropwehn Ke Sou Men Esehla Duwen Padahk Mehlel?

Kihong tohnihmw doaropwehn Ke Sou Men Esehla Duwen Padahk Mehlel? oh kasalehiong peidek kan. Kowe nda: “Iet ekei peidek me Paipel kin kihda pasapengpe. Mie pak ke kin idek peidek pwukat?” Mwurin tohnihmwo eh sapeng, kumwa kak koasoiapene pasapengpen eh peidek sang nan kisin doaropweo oh kumwa wadek ehu iren Paipel me mi loale. Koasoanehdi ken pwurala kumwa koasoia pil ehu peidek nan kisin doaropweo.