Kisin Wiepen Padahk kan
Pwehn Tapihada Onop en Paipel kan ni Tepin Rahn Kaunop en January
“Pali laud en aramas kin mie pein arail madamadau duwen Koht. Ekei kin medewe me Koht kehl ehu me kitail sohte kak wehwehki. A ekei kin medewe me ih Sahm limpoak men me kin ketiket nanleng. Ia omwi madamadau duwen Koht?” Mweidohng tohnihmw en sapeng. Kasalehiong ire me mi nan tihnsewen Kahn Iroir en January 1 oh kumwa eri koasoiapene ire kan me mi pahn keieun peidek oh wadek ehu iren Paipel de tohtohsang me kileldi wasao. Kihong Kahn Iroiro oh koasoanehdi ken pwurala kumwa koasoia peidek keriau.
Kahn Iroir January 1
“Se kin koasoi ni mwotomwot duwen mehkot me kin wiawihong kitail koaros—iei mehlahn emen me kitail kin poakohng. Komw sou kin pwungki me ehu me keieu apwal iei mehlahn kompoakpatail men de atail peneinei men? [Mweidohng tohnihmw en sapeng.] Me tohto kin diar me iren Paipel wet kin kansenamwahu ong irail. [Wadek Aiseia 25:8] Makasihn wet kin koasoia duwen inou en Paipel me mehla pahn sohla oh me melahr akan pahn pwurehng mourda.”
Pwehn Tapihada Onop en Paipel kan ni Tepin Rahn Kaunop en February
“Aramas kan me se kin koasoiong kin wekpeseng arail madamadau ong Paipel. Ekei kin kamehlele me ih Mahsen en Koht met. Ahpw meteikan kin wiahki met pwuhk ehu me duwehte pwuhk teikan. Ia omwi madamadau ong Paipel?” Mweidohng tohnihmw en sapeng. Kihong tohnihmwo Kahn Iroir en February 1 oh kasalehiong ire me mi nan tihnsewen Kahn Iroiro. Kumwa eri koasoiapene ire kan me mi pahn keieun peidek oh wadek ehu iren Paipel de tohtohsang me kileldi wasao. Kihong Kahn Iroiro oh koasoanehdi ken pwurala kumwa koasoia peidek keriau.
Kahn Iroir February 1
“Aramas tohto kin men mahwen en sohla wiawi. Ke leme popohl nin sampah wia mehkot me uhdahn kak pweida? [Mweidohng tohnihmw en sapeng.] Tehk dahme Pwuhk Sarawi kin inoukihda. [Mel. 46:9.] Soahng kan me wiawiher erein oh mwurin Mahwen Keieu en Sampah kin kahrehiong kitail en koapworopworki me keren Koht pahn ketin kapwaiada kokohp wet oh katokehdi mahwen kohkohlahte. Kisin pwuhk wet pahn kawehwehda met.”