Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop nan February

Kihong tohnihmwo doaropwe en Ke Sou Men Esehla Duwen Padahk Mehlel? oh kasalehiong peidek kan nan pali keieu. Eri, kowe nda: “Iet ekei peidek mwahu kan me Paipel kin sapengala. Mie pak ke kin idek peidek pwukat?” Mwurin tohnihmwo eh sapeng, koasoiapene ehu pasapeng ong ehu peidek sang doaropweo, oh wadek ehu iren Paipel me kileldi. Koasoanehdi ken pwurala oh koasoia pil ehu peidek nan doaropweo.

Kahn Iroir January 2012

“Mie pak ke kin medewe ma dahme kahrehda kahpwal kan me duwehte melimel de rerrer en sahpw kin tohtohla rahn pwukat? [Rong pasapeng.] Paipel kohpadahr duwen ahnsou ehu me pahn sansalkihda kahpwal kan. [Wadek Madiu 24:7, 8.] Kisin pwuhk wet kin sapengala peidek pwukat: Dahme kahrehda kitail kin kilang kahpwal tohto me duwehte melimel de rerrer en sahpw ape rahnwet? Mepwukat iei kalokolok kei sang rehn Koht? Ia kahrepen kitail en kamehlele me Koht pahn ketin kaimwisekala kahpwal pwukat koaros ni ahnsou keren?”

Kahn Iroir January 2012

“Aramas tohto kin pehm me Koht kin ketin doadoahngki kahpwal kan me duwehte melimel de rerrer en sahpw pwehn kaloke aramas. Ia omw pepehm ong met? [Rong pasapeng.] Melimel de rerrer en sahpw ape kin lelohng aramas koaros. Paipel kin kasalehda dahme kahrehda Koht sohte kin ketin kalokehki aramas mwahu kan kahpwal pwukat. [Wadek 1 Sohn 4:8.] Kisin pwuhk wet kin kasalehda pil ekei kahrepe kan sang Paipel me kahrehda kitail kak kamehlele me Koht sohte pahn ketin kaloke aramas mwahu kan.”