Koakon En Peidek

◼ Ia uwen werei kitail anahne onop rehn emen tohnsukuhl en Paipel me kin kekeirda?

E pahn keieu mwahu en pousehlahte onop rehn tohnsukuhl en Paipel men me kin kekeirda lao e kanekehla pwuhk riau pwukat, Dahme Paipel Uhdahn Padahngki? oh “Dadaurete ni Limpoak en Koht.” Met pahn pil wiawi mehnda ma tohnsukuhlo papidaisla mwohn eh kanekehla pwuhk pwukat. Mwurin eh papidaisla kitail kak pousehlahte kilelehdi awa, pak depe kitail pwurala reh oh ahnsou me kitail onop. Ma emen sounkalohk iang kitail oh iang wia onopo, e kak pil kilelehdi nah awa.—Kilang Atail Doadoahk ong Wehio March 2009 pali 4.

E uhdahn kesempwal emen me kapw en wehwehkihla mwahu padahk mehlel mwohn atail pahn uhdihsang onop rehrail. Irail anahne “poadidiong” Krais oh eh “pwoson en kin kehlailla mehlel,” pwe en kak powehdi kasongosong kan me e pahn lelohng. (Kol. 2:6, 7; 2 Tim. 3:12; 1 Pit. 5:8, 9) Patehng met, pwehn pweida ni atail padahkih meteikan, irail anahne “marainkihla me mehlel.” (1 Tim. 2:4) Ni atail kanekehla pwuhk riau pwukat rehn neitail tohnsukuhl en Paipel kan, kitail kin sewese irail en tengediong “wenihmw me kolahng mour.”—Mad. 7:14.

Mwohn elder kan pahn pwungkipene emen en papidais, irail anahne tehk mwahu ma aramaso wehwehki mwahu padahk mengei kan en Paipel oh mour pahrekiong dahme e sukuhlki. Elder kan pahn tehk kanahieng ma tohnsukuhlo saikinte kanekehla tepin pwuhk en onopo. Ma emen saikinte onopadahng papidais, elder kan pahn anahne koasoanehdi pwehn ale sawas me anahn pwehn kak papidaisla ni ahnsou kohkohdo.—Kilang Organized to Do Jehovah’s Will, (ni lokaiahn wai) pali 217-218.

[Kilel nan Pali 2]

E uhdahn kesempwal emen me kapw en wehwehkihla mwahu padahk mehlel