Kisin Wiepen Padahk kan

Pwehn Tapihada Onop en Paipel kan ni Tepin Rahn Kaunop en December

Kihong tohnihmwo kisin doaropwe en Ke Sou Men Esehla Duwen Padahk Mehlel? oh kasalehiong peidek kan. Eri kowe nda: “Iet ekei peidek me Paipel kin kihda pasapengpe. Mie pak ke kin idek peidek pwukat?” Mwurin tohnihmwo eh sapengala, kumwa koasoiapene pasapengpen eh peidek sang nan kisin doaropweo oh wadek ehu iren Paipel. Koasoanehdi ken pwurala reh pwe kumwa en koasoia pil ehu peidek sang doaropweo.

Kahn Iroir November 2012

“Se kin wia peidek ehu pwehki me tohto kin pwunodki duwen lalaudlahn mwersuwed nan pesines oh koperment. Ke leme mie mehkot kak wiawiong kahpwal wet? [Mweidohng tohnihmw en sapeng.] Menlau tehk dahme wasaht koasoiahki duwen dahme Sises pahn ketin wiahiong irail me kin lelohng kahpwal wet. [Wadek Melkahka 72:12-14.] Kisin pwuhk wet kin kasalehda duwen mwersuwed eh pahn kereniongehr imwisekla.”

Kahn Iroir November 2012

“Aramas tohto kin diar me e apwal en wiahda arail mour pwehki mwersuwed. Ke kin kilang kahpwal wet? [Mweidohng tohnihmw en sapeng.] Menlau tehk iren Paipel wet me kin kasalehda duwen ehu kahrepen mwersuwed eh pahn sohla. [Wadek Aiseia 55:7.] Kisin pwuhk wet pil kin koasoia soahng riau me kin kahrehda mwersuwed oh ia duwen Koht eh pahn ketikihsang soahng pwukat.”