Kisin Wiepen Padahk kan

Kingdom News No. 38

“I kin iang doadoahk tohrohr en kihseli rohng kesempwal wet nin sampah pwon. Iet noumw doaropwe.”

Tehk: Pwehn kanekehla amwail wasahn kalohk, koasoi ni mwotomwot. Ahpw ekei tohnihmw ele pahn kasalehda me re uhdahn men rong oh koasoi. Ma iei, ele e pahn konehng doadoahngki padahk mwotomwot wet me kak kahrehda amwa tapiada onop en Paipel. Tamataman me ke pahn koasoi ni mwotomwot.

“Aramas tohto kin kamehlele me aramas mwahu koaros kin kohdahla nanleng. Mie pak me ke kin medemedewe dahme Paipel mahsanih duwen ihs me pahn kohdahla nanleng oh dahme kahrehda?” Mweidohng tohnihmw en sapeng. Kasalehda pali 32 en Kahn Iroir en November 1 oh koasoiapene keieun peidek oh iren Paipel ehu de tohtohsang me kileldi. Kihla Kahn Iroiro oh koasoanehdi ken pwurala pwehn koasoia keriaun peidek.

Kahn Iroir November 1

“Ia pein omw madamadau, mehnia likamw me keieu laud me aramas kin koasoiahki duwen Koht? [Mweidohng tohnihmw en sapeng.] Paipel mahsanih me Koht ketin kupwurki aramas en poakohng oh likih ih. [Wadek Aiseia 41:13.] Kisin pwuhk wet kasalehda soangen likamw siluh me aramas kin kalapw koasoiahki duwen Koht me kin kahrehda ekei en apwalki karanihala ih.”