Kisin Wiepen Padahk kan

Ia Wasa Kitail Kak Diarada Ie Pasapengpen Peidek Kesempwal kan nan Atail Mour?

Kihong tohnihmwo kisin doaropweo pwe en kak kilang oaralapo, oh nda: “Kaselehlie. Se iang doadoahk tohrohr en kihseli rohng kesempwal wet nin sampah pwon. Iet noumw doaropwe.”

Ma ke kihdi kisin doaropweo wasa me sohte tohnihmw, kihdi wasa me sohte sansal ong irail me keid likin ihmwo oh song en dehr welikpene.

Ma tohnihmwo kasalehda me e perenki rong de men koasoi, mwein ke kak idek reh ia eh madamadau ong peidek oh pasapeng siluh me mi mwohn doaropweo. Pahkpeseng kisin doaropweo, oh kasalehiong ih dahme Melkahka 119:144, 160 mahsanih. Kawehwehiong ih me kisin doaropweo kin audaudki mehn sawas me pid duwen Web site ehu me pahn sewese ih diarada pasapeng sansal kan me dierek nan Paipel. Mwein ke kak kasalehiong ih ehu wiepe ni omw kasalehiong ih kasdo Dahme Kahrehda Ken Onopki Paipel? Mwohn omw pahn kohkohla, kasalehiong ih peidek siluh me mi mwurin doaropweo oh idek mehnia me e keieu men esehla. Koasoanehdi ken pwurala reh pwe ken kak kasalehiong ih ia duwen eh pahn kak diarada pasapengpen peideko sang nan Paipel ni e pahn doadoahngki jw.org. Ahnsou me ke pwurala, kumwa koasoiapene pasapengo ni amwa kilang pahnangin BIBLE TEACHINGS > BIBLE QUESTIONS ANSWERED.

Ma ke pil kihseli doaropwehn luhk ong mihting tohrohr (regional convention), kihong tohnihmwo doaropwehn luhko ni ahnsowohte me ke kihong ih kisin doaropweo oh nda, “Patehng met, se pil men luke iuk ong mihting tohrohr ehu me pahn ritidahng wehi pokon.”

Kahn Iroir August 1

Ni imwin wihk kan, ma konehng, kitail pahn pil kihla Kahn Iroir oh nda: “Se pil men kihong komwi kisin pwuhk kapw wet. Kahn Iroir wet pahn sapengala peidek wet, Ia duwe, Koht ketin nsenohkin uhk?”