Kisin Wiepen Padahk kan

Kahn Iroir May 1

“Ma ke kak kihsang kahpwal ehu nin sampah, dahme ke pahn kihsang? [Mweidohng tohnihmw en sapeng.] Nin duwen me Paipel kin kasalehda, ni ahnsou keren Koht pahn ketikihsang kahpwal wet oh soahng suwed teikan. [Pilada ehu iren Paipel me ke pahn doadoahngki oh wadek, me duwehte Daniel 2:44; Lepin Padahk 2:21, 22; Madiu 7:21-23; de 2 Piter 3:7.] Kahn Iroir wet kin koasoia iahd oh ia duwen Koht eh pahn ketin wiahda wekidekla pwukat nin sampah.”

Rohng Mwahu Sang Rehn Koht!

“Se kin ehukihong peneinei kan madamadau mwahu ehu sang nan Paipel. Aramas tohto me se koasoiong kin medewe dahme kahrehda Koht limpoak ketin mweidohng lokolok laud nin sampah. Ke leme lokolok wia kisehn sapwellimen Koht koasoandi ong sampah?” [Mweidohng tohnihmw en sapeng.] Pahkalahng iren mehn kasukuhl 5 oh wadek oh koasoiapene tepin parakrap riauo oh iren Paipel kan me mesen nting ko pangapang. Kihla kisin pwuhko oh koasoanehdi ken pwurala reh oh koasoia keriaun peidek.