Kisin Wiepen Padahk kan

Kahn Iroir January–February

“Ia duwe, ke leme sampah pahn wia wasa ehu me mwahu en kousoan ma aramas akan kin mourki kaweid en Paipel wet? [Wadek Ipru 13:18, oh mweidohng tohnihmw en sapeng.] Paipel kangoange kitail en kin mehlel ni soahng koaros. Kahn Iroir en sounpwong wet kin koasoia ia duwen en kin mehlel eh kin kamwakid soahng koaros nan atail mour.”

Kahn Iroir January–February

“Ekei aramas kin medewe me e sohte mengei en kin mehlel ahnsou koaros. Ia omw madamadau, ia ehu kahrepe e nohn apwal en kin mehlel? [Mweidohng tohnihmw en sapeng.] Paipel padahkihong kitail ia wasa kitail kak ale sawas oh utuht pwehn kin mehlel ni mehkoaros. [Wadek Pilipai 4:6, 7] Makasihn wet kin koasoia duwen soangsoangen kapai kan duwen en kin mehlel.”

Rohng Mwahu Sang Rehn Koht!

“I kohdo pwehki aramas akan kin pwunodki duwen ia wasa sampah wet kohkohla ie. Ia duwe, ke medewe me irair en sampah wet pahn kak mwahula? [Mweidohng tohnihmw en sapeng.] Aramas tohto kin pwuriamweikihla arail sukuhlki me Paipel kin audaudki rohng mwahu kan me kak kihong kitail koapworopwor. Iet ekei peidek kan me Paipel sapengala.” Kihong tohnihmwo ehu kisin pwuhk oh luke ih en pilada ehu peidek me e keieu perenki sang ni tihnsewen kisin pwuhko. Eri pahkalahng iren mehn kasukuhlo oh kamwomwada mwomwen onop en Paipel. Wiahda koasoandi en pwurala reh pwehn koasoiapene peidek en iren mehn kasukuhl en mwuri.