Kalaudehla Atail Koahiek nan Doadoahk en Kalohk—Keskesihnente ni Wenihmw Tapiada Ehu Onop en Paipel ni Atail Doadoahngki Kisin Pwuhk Rohng Mwahu Sang Rehn Koht!
Dahme Kahrehda E Kesempwal: Pwehn katohnpadahk, kitail anahne wia sounpadahk kei en Mahsen en Koht. (Mad. 28:19, 20) Kitail koaros kak pweida ni atail padahkihwei padahk mehlelo sang ni atail doadoahngki sawaspen Paipel kan me kohieng kitail. Kisin pwuhk me adaneki Rohng Mwahu Sang Rehn Koht! wiawihda pwehn sewesei kitail en padahkihong meteikan padahk mehlel. Ni mehlelo, kitail kak doadoahngki kisin pwuhk wet pwehn tapiada ehu onop en Paipel rehn tohnihmw kan ni atail tepin tuhwong irail ni imwarail kan.
Song Wia Met Erein Sounpwongo:
Kapakapki ken inengieng tapiada ehu onop. Pil peki rehn Siohwa en ketin seweseiuk tapiada ehu onop en Paipel oh en wiahla emen sounpadahk en padahk mehlel me pweida mwahu.—Pil. 2:13.
Erein kaudok en peneinei de pein onop, doadoahngki ahnsou en katengehdiong nan omw mohngiong wiepen padahk. Ni ahl wet ke kakehr padahk ni omw sohte pahn saloh oh ni ahnsoun doadoahk en kalohk tapiada ehu onop en Paipel rehn tohnihmw kan ni omw keskesihnente limwahn arail wenihmw.