Likih Siohwa oh Wia Mwahu

“Ke dehr . . . peirinki paien irail me kin wiahda me sapwung”

37:1, 2

• Dehr mweidohng pweidahn aramas suwed akan en kerempwa atail papah Siohwa. Tengedihongete omw mehn akadei kan oh kilangwohngete kapai kan me ke pahn alehdi sang omw kin papah Siohwa

“Likih KAUN-O, oh wiahda tiahk mwahu”

37:3

• Likih me Siohwa pahn ketin seweseiuk nan omw pwunod oh peikasalki mehkot. E pahn ketin seweseiuk en lelepek ong ih

• Soupisengki doadoahk en ehukihong meteikan rongamwahu en Wehin Koht

“Rapahki omw peren rehn KAUN-O”

37:4

• Koasoanehdi ahnsou ong wadek Mahsen en Koht oh doudouloale pwehn kalaudehla omw esehla Siohwa

“Mweidohng KAUN-O pein kowe”

37:5, 6

• Likih ni unsek me Siohwa pahn ketin seweseiuk en apwalihala sohte lipilipil en omw kahpwal akan

• Kolokolete omw wiewia pwung kan ni omw lelohng uhwong, kalokolok de aramas kaweiuk

“Kanengamahiong oh awiawih dahme KAUN-O pahn ketin wia”

37:7-9

• Dehr pwurur wia mehkan me kak kihsang omw peren oh kauwehla omw nanpwungmwahu rehn Siohwa

“Me aktikitik kan pahn sapwenikihla sahpwo”

37:10, 11

• Rapahki aktikitik, oh ni aktikitik awih lao Siohwa pahn ketikihsang wiewia sapahrek koaros me ke kin lelohng

• Utung riomw Kristian kan, oh kamweitki me pahtou kan inou en sapwellimen Koht sampah kapw me kerendohr