“Iet Ngehi, Maing, Komwi Ketin Poaroneiehla”

En Aiseia ngoangki papah Siohwa wia mehn kahlemeng mwahu. E kasalehda pwoson ni eh kin mwadangete sewese anahn en meteikan, mendahki eh sehse oaritik kan koaros. (Ais. 6:8) Ke kak wekidala oh koasoanehdi omw irair kan pwe ken kak papah wasa me anahn en sounkalohki Wehio kan? (Mel. 110:3) Mehlel e uhdahn konehng en “mwohndi mahs oh medemedewe uwen pweine” ong soangen mwekid wet. (Luk 14:27, 28) Ahpw, ke anahne perenki wiahda tounmetei kan ong doadoahk en kalohk. (Mad. 8:20; Mark 10:28-30) Nin duwen me sansalda nan kisin kasdo Moving to Serve Where the Need Is Greater, kapai kan me kitail kin alehsang atail papah Siohwa laudsang tounmetei kan koaros me kitail kin wiahda.

MWURIN KISIN KASDO, SAPENGALA PEIDEK PWUKAT:

• Soangen tounmetei dah kan me emenemen tohnpeneinei en Williams wiahda pwe ren kak papah nan Ecuador?

• Soangen irair dah kan me irail tehkpene ni arail pilada wasa me re pahn papah?

• Soangen kapai dah kan me re alehdi?

• Ia wasa me ke kak diarada ekei ire kan duwen papah wasa me mie anahn laud?

EREIN AMWAIL KAUDOK EN PENEINEI, KOASOIAPENE PEIDEK PWUKAT:

• Ia duwen atail kak kalaudehla atail doadoahk en kalohk nin duwen peneinei ehu? (km-E 8/11 4-6)

• Ma kitail sohte kak papah wasa me anahn laud mie, ni ahl dah kei me kitail kak sewese atail mwomwohdiso? (w16.03 23-25)