MOMOUR NIN DUWEN KRISTIAN KEI
“Maing KAUN, . . . Komwi me I Kin Likih”
E kesempwal kitail en likih Siohwa ni ahnsou mwahu kan oh ahnsou suwed kan. (Mel. 25:1, 2) Nan pahr isipwiki Mwohn Krais, mehn Suhs kan nan Suda lelohng kahpwal ehu me kasonge arail likih Koht. Dahme wiawio kihda mehn kasukuhl tohto ong kitail. (Rom 15:4) Mwurin kilang kisin kasdo “O Jehovah, . . . I Trust in You,” ia duwen omw pahn sapengala peidek pwukat?
Kahpwal dah me Esekaia lelohng?
Ia duwen Esekaia eh kapwaiada ire mehlel me dierek nan Lepin Padahk 22:3 ni ahnsou me sounpei ko kapilpene kahnimwo?
Dahme kahrehda Esekaia sohte medewe en lohdiong pahn mehn Asiria kan de wiahda nanpwungmwahu rehn mehn Isip kan?
Ia duwen Esekaia eh wia mehn kahlemeng mwahu ong Kristian kan?
Soangen irair dah kan rahnwet me kin kasonge atail likih Siohwa?