Sewese Noumw Seri kan Ren Kakairada Pwoson Kehlail ong Sounkapikadao

Kepikipik kan kin kasalehda sapwellimen Siohwa lingan. (Mel. 19:1-4; 139:14) Ahpw, ahn Tepilo sampah wet kin kangoange padahk kan me kin kasohwahwih Koht ni ar kin kawehwehda mwomwen mour eh tepin miehla. (Rom 1:18-25) Ia duwen atail kak irehdi soangen madamadau pwukat en dehr tengediong nan madamadau oh mohngiong en neitail seri kan? Sewese irail sangete ni arail tikitik ren kakairada pwoson me Siohwa ketin mie oh me e kin ketin nsenohki emenemen irail. (2 Kor. 10:4, 5; Ep. 6:16) Song sewese irail ren kasalehda dahme re kin uhdahn medewehki soahng kan me re kin sukuhlki nan sukuhl, oh doadoahngki mehn sawas kan me mie pwehn sair arail mohngiong.—Lep. Pad. 20:5; Seims 1:19.

KILANG KISIN KASDO WHAT YOUR PEERS SAY—BELIEF IN GOD, OH MWURI KOASOIAPENE PEIDEK PWUKAT:

• Madamadau sapwung dah me aramas tohto kin medewehki duwen kamehlele Koht?

• Dahme re kin padahngki nan omw wasahn sukuhl?

• Dahme kamehlelehiong uhk me Siohwa uhdahn mie?

• Ia duwen omw pahn kak sewese emen en wehwehki me Koht ketin kapikada soahng koaros?