Ihs me Kin Wia Kupwuren Siohwa Rahn Pwukat?​—Ia Mwomwen Doadoahngki Met

Kisin pwuhk Ihs me Kin Wia Kupwuren Siohwa Rahn Pwukat? wiawihda pwe kitail en kak koasoiapene rehn neitail tohnsukuhl kan ni tepin de kaimwiseklahn ehuehu onop.a Iren mehn kasukuhl 1 lel 4 kin sewese tohnsukuhlo en esehla ihs kitail, iren mehn kasukuhl 5 lel 14 kin sewese irail en esehla atail doadoahk oh koasoandi kan, oh iren mehn kasukuhl 15 lel 28 kin kasalehiong irail dahme atail pwihn kin wia. E kin ahnsou koaros mwahu en idawehn keirekidien iren mehn kasukuhl kan. Ahpw kitail kak koasoiapene ma irair ehu pwarada me tohnsukuhlo men ese me pid duwen iren mehn kasukuhl en mwuri kan. Ehuehu iren mehn kasukuhl kin reireiki pali ehute oh ke kak koasoiapene rehn tohnsukuhl kan erein minit limau lel eisek.

• Tehkpene peidek me kin wia oaralap en ehuehu iren mehn kasukuhl

• Wadekpene iren mehn kasukuhlo pwon de ehuehu sawaspen oaralap kan

• Koasoiapene dahme kumwa wadekpene. Doadoahngki mwahu peidek kan me mi pah oh kilel kan. Ke kak pilada en wadek oh koasoiapene iren Paipel kan me kileldi nan parakrapo ma konehng. Kasalehda me sawaspen oaralap kan me nting toantoal laud kan kin sapengala peidek me kin wia oaralap en ehuehu iren mehn kasukuhl

• Ma mie koakon me nda “Kalaudehla Omw Esehla Duwen Met”, wadekpene oh kangoange noumw tohnsukuhlo en kapwaiada kaweido