Mendahki Pahsohpao sohte wia kamwomwada ehu ong Katamano, ekei soahng kan me wiawi nan Pahsohpao mie wehwe ong kitail. Karasepe, wahnpoaron Pohl kahdaneki Sises “atail Sihmpwul en Pahsohpa.” (1Ko 5:7) Duwehte ntahn sihmpwulo me mi mwohn wenihmw kan eh doarehla mour, ntahn Siseso doarehla mour. (Eks 12:12, 13) Oh pil, sohte tihn sihmpwul en Pahsohpao timpeseng. Pahrekiong met, sohte tihn Sises pwoat timpeseng, mendahki met wia tiahk en kamakamala ehu.—Eks 12:46; Soh 19:31-33, 36.